________________ 648 अनंगपविट्ठसुत्ताणि वहिया उद्विग्गा संजायभया अत्थामा अबला अवीरिया अपुरिसक्कारपरक्कमा अधारणिजमितिकट्ट अणेगाइं जोयणाई अवकमंति 2 त्ता एगयओ मिलायंति 2 त्ता जेणेव सिंधू महाणई तेणेव उवागच्छंति 2 त्ता वालुयासंथारए संथरेंति, 2 त्ता वालुयासंथारए दुरुहंति 2 त्ता अट्ठमभत्ताइं पगिण्हंति 2 त्ता वालुयासंथारोवगया उत्ताणगा अवसणा अट्ठमभत्तिया जे तोर्स कुलदेवया मेहमुहा णामं णागकुमारा देवा ते मणसीकरमाणा 2 चिट्ठति / तए णं तेसिमावाडचिलायाणं अट्ठमभत्तंसि परिणममाणंसि मेहमुहाणं णागकुमाराणं देवाणं आसणाई चलंति, तए णं ते मेहमुहा णागकुमारा देवा आसणाइं चलियाई पासंति 2 त्ता ओहिं पउंति 2 त्ता आवाचिलाए ओहिणा आभोएंति 2 त्ता अण्णमण्णं सद्दावेंति 2 ता एवं वयासी-एवं खलु देवाणुप्पिया ! जंबुद्दीवे दीवे उत्तरडभरहे वासे आवाडचिलाया सिंधूए महाणईए वालुयासंथारोवगया उत्ताणगा अवसणा अट्ठमभत्तिया अम्हे कुलदेवए मेहमुहे णागकुमारे देवे मणसीकरेमाणा 2 चिटुंति, तं सेयं खलु देवाणुप्पिया! अम्हं आवाडचिलायाणं अंतिए पाउन्भवित्तएत्तिकट्ठ अण्णमण्णस्स अंतिए एयमढे पडिसुणेति पडिसुणेत्ता ताए उक्किट्ठाए तुरियाए जाव वीइवयमाणा 2 जेणेव जंबुद्दीवे दीवे उत्तरड्डभरहे वासे जेणेव सिंधू महाणई जेणेव आवाडचिलाया तेणेव उवागच्छंति 2 त्ता अंतलिक्खपडिवण्णा सखिंखिणियाइं पंचवण्णाई वत्थाई पवरपरिहिया ते आवाडचिलाए एवं वयासी-हं भो आवाडचिलाया ! जण्णं तुब्भे देवाणुप्पिया ! वालुयासंथारोवगया उत्ताणगा अवसणा अट्ठमभत्तिया अम्हे कुलदेवए मेहमुहे णागकुमारे देवे मणसीकरेमाणा 2 चिट्ठह तए णं अम्हे मेहमुहा णागकुमारा देवा तुब्भं कुलदेवया तुम्हें अंतियण्णं पाउन्भूया, तं वदह णं देवाणुप्पिया ! किं करेमो किं च आचिट्ठामो के व मे मणसाइए ?, तए णं ते आवाडचिलाया मेहमुहाणं णागकुमाराणं देवाणं अंतिए एयमढे सोचा णिसम्म हट्टतुट्ठचित्तमाणंदिया जाव हियया उठाए उट्टेति 2 त्ता जेणेव मेहमुहा णागकुमारा देवा तेणेव उवागच्छंति 2 त्ता करयलपरिन्गहियं जाव मत्थए अंजलिं कट्ट मेहमुहे णागकुमारे देवे जएणं विजएणं वद्धाति 2 त्ता एवं वयासीएस णं देवाणुप्पिया ! केइ अपत्थियपत्थए दुरंतपंतलक्खणे जाव हिरिसिरिपरिवज्जिए जे णं अम्हं विसयस्स उवरि वीरिएणं हव्वमागच्छइ, तं तहा णं घत्तेह देवाणुप्पिया ! जहा णं एस अम्हं विसयस्स उवरिं वीरिएणं णो हव्वमागच्छइ, तए णं ते मेहमुहा णागकुमारा देवा ते आवाचिलाए एवं वयासी-एस णं भो देवाणु
