________________ उत्तरज्झयणसुत्तं अ. 36 1159 पवंचओ मुक्का, सिद्धिं वरगई गया // 64 // उस्सेहो जस्स जो होइ, भवंमि चरिमंमि उ। तिभागहीणो तत्तो य, सिद्धाणोगाहणा भवे // 65 // एगत्तेण साईया, अपजबसिया वि य / पुहत्तेण अणाईया, अपजवसिया वि य / / 66 // अरूविणो जीवघणा, माणदंसणसण्णिया। अउलं सुहं संपत्ता, उवमा नस्स णस्थि उ // 6 // लोगेगदेसे ते सव्वे, णाणदंसणसण्णिया। संसारपारणिस्थिण्णा, सिद्धि घरगइं गया // 68 / संसारत्था उ जे जीवा, दुविहा ते वियाहिया। तसा य थावरा चेव, थावरा तिविहा तहिं / / 69 // पुढवी आउजीवा य, तहेव य वणस्सई / इच्चेए थावरा तिविहा, तेसिं भेए सुणेह मे // 70 // दुविहा पुढवीजीवा य, सुहमा बायरा तहा / पजत्तमपजत्ता, एवमेव दुहा पुणो / / 71 // बायरा जे उ पजत्ता, दुविहा, ते वियाहिया / सहा खरा य बोधवा, सहा सत्तविहा तहिं // 72 // किण्हा णीला य रुहिरा य, हालिद्दा सुक्किला तहा। पंडुपणगमट्टिया, खरा उत्तीसई विहा / / 73 // पुढवी य सक्करा वालुया य, उवले सिला य लोणूसे / अयतंबतउयसीसग-, रुप्पसुवण्णे य वइरे य // 74 // हरियाले हिंगुलुए, मगोसिला सासगंजणपवाले / अब्भपडलब्भवालुय, बायरकाए मणिविहाणे // 75 // गोमेजए य रुयगे, अंके फलिहे य लोहियक्खे य / मरगयमसारगल्ले, भुयमोयगइंदणीले य // 76 // चंदणगेरुयहंसगल्भे, पुलए सोगंधिए य बोधव्वे / चंदप्पहवेरुलिए, जलकंते सूरकंने य // 77 // एए खरपुढवीए, भेया छत्तीसमाहिया / एगविहमणाणत्ता, सुहुमा तत्थ वियाहिया // 78 // सुहुमा सव्वलोगंमि, लोगदेसे य बायरा। इत्तो कालविभागं तु, वुच्छं तेसिं चउनिहं // 79 // संतई पप्पऽणाईया, अपज्वसिया वि य। ठिइं पडुच्च साईया, सपजवसिया वि य // 80 // बावीससहस्साई, वासाणुक्कोसिया भवे / आउठिई पुढवीणं, अंतोमुहुत्तं जहणिया / / 81 // असंखकालमुक्कोसा, अंतोमुहुत्तं जहणिया। कायठिई पुढवीणं, तं कायं तु अमुंचओ // 82 / / अणंतकालमुक्कोसं, अंतोमुहुत्तं जहण्णयं / विजदंमि सए काए, पुढविजीवाण अंतरं // 83 // एएसिं वण्णओ चेव, गंधओ रसफासओ / संठाणादेसओ वावि, विहाणाई सहस्ससो // 84 // दुविहा आउर्ज वा उ, सुहमा बायरा तहा / पजत्तमपजत्ता, एवमेए दुहा पुणो ||85 // बायरा जे उ पजत्ता, पंचहा ते पकित्तिया / सुद्धोदए य उस्से य, हरतणू महिया हिमे // 86 // एगविहमणाणत्ता, सुहमा तत्थ वियाहिया / सुहमा सव्वलोगंमि, लोगदेसे य बायरा / / 87 // संतई पप्पडणाई या, अपज्जवसिया वि य / ठिइं पडुच्च साईया, सपजवसिया वि य // 88 // सत्तेव सहस्साई,
