________________ उत्तरज्झयणसुत्तं अ. 36 1157 परिणामो तेसि पंचहा ॥१६॥वण्णओ परिणया जे उ, पंचहा ते पकित्तिया। किण्हा णीला य लोहिया, हलिद्दा सुक्किला तहा // 17 // गंधओ परिणया जे उ, दुविहा 'ते वियाहिया / सुन्निगंधपरिणामा, दुब्भिगंधा तहेव य // 18 // रसओ परिणया जे उ, पंचहा ते पकित्तिया।तित्तकडुयकसाया, अंबिला महुरा तहा॥१९॥ फासओ परिणया जे उ, अट्टहा ते पकित्तिया / कक्खडा मउया चेव, गस्या लहुया तहा // 20 // सीया उण्हा य णिद्धा य, तहा लुक्खा य आहिया / इय फासपरिणया एए, पुग्गला समुदाहिया // 21 // संठाणओ परिणया जे उ, पंचहा ते पवित्तिया / परिमंडला य वट्टा य, तंसा चउरंसमायया // 22 // वण्णओ जे भवे किण्हे, भइए से उ गंधओ। रसओ फासओ चेव, भइए संटाणओ वि य॥२३॥वण्णओ जे भवे णीले, भइए से उ गंधओ। रसओ फासओ चेव, भइए संठाणओ वि य // 24 // वण्णओ लोहिए जे उ, भहए से उगंधओ। रसओ फासओ चेव, भइए संटाणओ वि य // 25 // वण्णओ पीयए जे उ, भइंए से उ गंधओ। रसओ फासओ चेव, भइए संठाणओ वि य॥२६॥वण्णओ सुक्किले जे उ, भइए से उ गंधओ। रसओ फासओ चेव, भइए संठाणओ वि य // 27 // गंधओ जे भवे सुलभी, भइए से उ वण्णओ / रसओ फासओ चेव, भइए संठाणओ वि य // 28 // गंधओ जे भवे दुब्भी, भइए से उ वण्णओ / रसओ फासओ चेव, भइए संठाणओ वि य // 29 // रसओ तित्तए जे उ, भइए से उ वण्णओ। गंधओ फासओ चेव, भहए संटाणओ वि य // 30 // रसओ कडुए जे र, भइए से उ वण्णओ / गंधओ फासओ चेव, भइए संठाणओ वि य // 31 // रसओ कसाए जे उ, भइए से उवण्णओ। गंधओ फासओ चेव, भइए संठाणओ वि य // 32 // रसओ अंबिले जे उ, भइए से उ वण्णओ / गंधओ फासओ चेव, भइए संठाणओ वि य // 33 // रसओ महुरए जे उ, भइए से उ वण्णओ। गंधओ फासओ चेव, भइए संठाणओ वि य॥ 34 // फासओ कक्खडे जे उ, भइए से उवण्णओ। गंधओ रसओ चेव, भइए संठाणओ वि य // 35 // फासओ मउए जे उ, भइए से उ वण्णओ। गंधओ रसओ चेव, भइए संठाणओ वि य // 36 // फासओ गुरुए जे उ, भइए से उ वण्णओ। गंधओ रसओ चेव, भइए संठाणओ वि य॥३७॥ फासओ लहए जे उ, भइए से उ वण्णओ / गंधओ रसओ चेव, भइए संठाणओ वि य // 38 // फासओ सीयए जे उ, भइए से उ वण्णओ / गंधओ रसओ चेव, भइए संठाणओ वि य / / 39 //
