________________ 1156 अनंगपविट्ठसुत्ताणि प्रिंदियं / लाभालाभंमि संतुट्टे, पिंडवायं चरे मुणी // 16 // अलोले ण रसे गिद्धे, जिन्भादंते अमुच्छिए / ण रसट्ठाए अँजिजा, जवणट्ठाए महामुणी // 17 // 'अचणं रयणं चेव, वंदणं पूयणं तहा / इड्डीसकारसम्माणं, मणमा वि ण पत्थए // 18 // सुक्कज्झाणं झियाएजा, अणियाणे अकिंचणे / वोसटकाए विहरेजा, नाव कालस्स पजओ // 19 // णिज्जूहिऊण आहारं, कालधम्मे रवट्ठिए / जहिऊण माणुसं बोंदि, पहू दुक्खा विमुच्चई // 20 // णिम्ममे णिरहंकारे, बीयरागो अणासवो / संपत्तो केवलं जाणं, सासयं परिणिव्वुए // 21 // -िवेमि // इति अणगारज्झयणं णाम पंचतीसइमं अज्झयणं समत्तं // 35 // ___ अह जीवाजीवविभत्ती णामं छत्तीसइमं अज्झयणं जीवाजीवविभत्तिं मे, सुणेहेगमणा इओ / जं जाणिऊण भिवखू , सम्मं जयइ संजमे // 1 // जीवा चेव अजीवा य, एस लोए वियाहिए / अजीवदेसमागासे, अलोगे से वियाहिए // 2 // दव्वओ खेत्तओ चेव, कालओ भावओ तहा / परूवणा तेसिं भवे, जीवाणमजीवाण य // 3 // रूविणो चेवऽरूवी य, अजीया दुविहा भवे। अरूवी दसहा वुत्ता, रूविणो य चउव्विहा // 4 // धम्मत्थिकाए तद्देसे, तप्पए से य आहिए / अहम्मे तस्स देसे य, तप्पएसे य आहिए // 5 // आगासे तस्स देसे य, तप्पएसे य आहिए / अद्धासमए चेव, अरूवी दसहा भवे // 6 // धम्माधम्मे य दो चेव, लोगमित्ता वियाहिया / लोगालोगे य आगासे, समए समयखेतिए // 7 // धम्माधम्मागासा, तिण्णि वि एए अणाइया / अपजवसिया चेव, सव्वद्धं तु वियाहिया // 8 // समए वि संतई पप्प, एवमेव वियाहिए / आएसं पप्प साईए, सपजवसिए वि य // 9 // खंधा य खंधदेसा य, तप्पएसा तहेव य / परमाणुणो य बोधन्वा, रूविणो य चउव्विहा // 10 // एगत्तेण पुहत्तेण, खंधा य परमाणु य / लोगेगदेसे लोए य, भइयव्वा ते उ खेत्तओ // 11 // सुहुमा सव्वलोगंमि, लोगदेसे य बायरा / इत्तो कालविभागं तु, तेसिं वुच्छं चउव्विहं // 12 // संतई पप्प तेऽणाई, अपजवसिया वि य / ठिई पडुच्च साईया, सपजवसिया वि य // 13 // असंखकालमुक्कोसं, एक्को समओ जहण्णयं / अजवाण य रूवीणं, ठिई एसा वियाहिया॥१४॥अणंतकालमुक्कोस, एक्को समओ जहण्णयं / अजीवाण य रूर्वणं, अंतरेयं वियाहियं // 15 // वण्णओ गंधओचेव,रसओ फासओ तहा। संठाणओ य विष्णेओ,
