________________ अनंगपविट्ठसुत्ताणि उदहीसरिसणामाण, तीसई कोडिकोडिओ। उक्कोसिया ठिई होइ, अंतोमुहत्तं जहणिया // 19 // आवरणिजाण दुण्हं पि, वेयणिज्जे तहेव य / अंतराए य कम्मम्मि, ठिई एसा वियाहिया // 20 // उदहीसरिसणामाण,सत्तर कोडिकोडिओ.. मोहणिजस्स उक्कोसा, अंतोमुहुत्तं जहणिया // 21 // तेत्तीससागरोवमा, उक्कोसेण वियाहिया / ठिई उ आउकम्मस्स, अंतोमुहुत्तं जहणिया // 22 // उदहीसरिसणामाण, वीसई कोडिकोडिओ।णामगोत्ताणं उक्कोसा, अट्ठमुहुत्ता जहणिया // 23 // सिद्धाणणंतभागो य, अणुभागा हवंति उ / सव्वेसु वि पएसग्गं, सव्वजीवे अइच्छियं // 24 // तम्हा एएसि कम्माणं, अणुभागा वियाणिया / एए सि संवरे चेव. खवणे य जए बुहो // 25 // त्ति-बेमि // इति कम्मप्पयडी णामं तेत्तीसइमं अज्झयणं समत्तं // 33 // अह लेसज्झयणणामं चोत्तीसइमं अज्झयणं लेसज्झयणं पवक्खामि, आणपध्विं जहकमं / उण्हं पि कम्मलेसाणं, अणभावे सुणेह मे // 1 / / णामाई वण्णरसगंध-फासपरिणामलक्खणं / ठाणं ठिई गई चाउं, लेसाणं तु सुणेह मे // 2 // किण्ही णीला य काऊँ य, ते पम्हा तहेव य / सुक्कलेसी य छट्ठा य, णामाइं तु जहक्कम ॥३॥(१)जीमूयणिद्धसंकासा, गवलरिट्ठगसण्णिभा। खजंजणणयणणिभा, किण्हलेसा उ वण्णओ // 4 // (2) णीलासोगसंकासा, चास. पिच्छसमप्पभा / वेरुलियणिद्धसंकासा, णीललेसा उ वण्णओ // 5 // (3) अयसीपुप्फसंकासा, कोइलच्छदसण्णिभा / पारेवयगीवणिमा, काउलेसा उ वण्णओ // 6 // (4) हिंगुलयधाउसंकासा, तरुणाइच्चसण्णिभा / सुयतुंडपईवणिभा, तेउलेसा उ वण्णओ // 7 // (5) हरियालभेयसंकासा, हलिद्दाभेयसमप्पभा / सणासणकुसुमणिभा, पम्हलेसा उ वण्णओ // 8 // (6) संखककुंदसंकासा, खीरपूरसमप्पभा / रययहारसंकासा, सुक्कलेसा उ वण्णओ // 9 // (1) जह कडुयतुंबगरसो, जिंबरसो कड्डयरोहिणिरसो वा / एत्तो वि अणतगुणो, रसो य किण्हाए णायव्वो // 10 // (2) नह तिगडुयस्स य रसो, तिक्खो जह हस्थिपिप्पलीए वा / एत्तो वि अणंतगुणो, रसो उ णीलाए णायव्वो // 11 // (3) जह तरुणअंबगरसो, तुवरकविट्ठस्स बावि जारिसओ / एत्तो वि अणंतगुणो, रसो उ काऊए गायव्यो // 12 // (4) जह परिणयंबगरसो, पक्ककविट्ठस्स वावि जारिसओ। एत्तो वि अणंतगुणो, रसो उ तेऊए
