________________ उत्तरज्झयणसुत्तं अ. 34 1153 णायब्वो // 12 // (5) नह वरवारुणीए व रसो, विविहाण व आसवाण जारिसओ। महुमेरयस्स व रसो, एत्तो पम्हाए परएणं // 14 // (6) खज्जूरमुद्दियरसो, खीररसो खंडसक्कररसो वा / एत्तो वि अणंतगुणो, रसो उ सुक्काए णायव्वो // 15 // जह गोमडस्स गंधो, सुणगमडस्स व जहा महिमडस्स / एत्तो वि अणंतगुणी, लेसाणं अप्पसत्थाणं // 16 // जह सुरहिकुसुमगंधो, गंधवासाण पिस्समाणाणं / एत्तो वि अणंतगुणो, पसत्थलेसाण तिण्हं पि // 17 // जह करगयस्स फासो, गोजिमाए व सागपत्ताणं / एत्तो वि अणंतगुणो, लेसाणं अप्पसत्थाणं // 18 // जह बूरस्स व फासो, णवणीयस्स व सिरीसकुसुमाणं / एत्तो वि अणंतगुणो, पसत्थलेसाण तिण्हं पि // 19 // तिविहो व णवविहो वा, सत्तावीसइवेहेकसीओ वा / दुसओ तेयालो वा, लेसाणं होइ परिणामो // 20 // (1) पंचासवप्पवत्तो, तीहिं अगुत्तो छसु अविरओ य / तिव्वारंभपरिणओ, खुद्दो साहसिओ णरो // 21 // णिद्धंधसपरिणामो, णिस्संसो अजिइंदिओ। एयजोगसमाउत्तो, किहलेसं तु परिणम // 22 / / (2) इस्सा अमरिस अतवो, अविजमाया अहीरिया / गिद्धी पओसे य सढे, पमत्ते रसलोलुए // 23 // सायगवेसए य / आरंभाओ अविरओ, खुद्दो साहस्सिओ णरो / एयजोगसमाउत्तो, णीललेसं तु परिणमे // 24 // (3) के वंकसमायारे, गियडिल्ले अणुज्जुए / पलिउंचगओवहिए, मिच्छादिट्ठी अणारिए // 25 // उम्फालगदुट्टवाई य, तेणे यावि य मच्छरी / एयजोगसमाउत्तो, काउलेसं तु परिणमे // 26 // (4) णीयावित्ती अचवले, अमाई अकुऊहले / विणीयविणए दंते, जोगवं उवहाणवं // 27 // पियधम्मे दधम्मे,ऽवजभीरू हिएसए / एयजोगसमाउत्तो, तेऊलेसं तु परिणमे // 28 // (5) पयणुकोहमाणे य, मायालोभे य पयणुए। पसंतचित्ते दंतप्पा, जोगवं उवहाणवं // 29 // तहा पयणुवाई य, उवसंते जिई. दिए। एयजोगसमाउत्तो, पम्हलेसं सु परिणमे // 30 // (6) अट्टरुद्दाणि वज्जित्ता, धम्मसुक्काणि झायए / पसंतचित्ते दंतप्पा, समिए गुत्ते य गुत्तिसु // 31 // परागे वीयरागे वा, उवसंते जिइंदिए। एयजोगसमाउत्तो, सुक्कलेसं तु परिणमे // 32 // असंखिजाणोसप्पिणीण, उस्सप्पिणीण जे समया। संखाईया लोगा, लेसाण हवंति ठाणाई // 33 // मुहुत्तद्धं तु जहण्णा, तेत्तीसा सागरा मुहुत्तहिया / उक्कोसा होइ ठिई, णायव्वा किण्हलेसाए // 34 // मुहुत्तद्धं तु नहण्णा, दस उदही पलियमसंखभागमभहिया / उक्कोसा होइ ठिई, णायव्वा णीललेसाए // 35 //
