________________ उत्तरज्झयणसुत्तं अ. 29 1141 परं अविज्झाएमाणे अत्तरेणं णाणदंसणेणं अप्पाणं संजोएमाणे सम्म भावमाणे विहरइ // 60 // चरित्तसंपण्णयाए णं भंते ! जीवे किं जणयइ ? चरित्तसंपण्णयाए णं जीवे सेलेसीभावं जणयइ / सेलेसिं पडिवण्णे य अणगारे चत्तारि केवलिकरमंसे खवेइ / तओ पच्छा सिझइ बुज्झइ मुच्चइ परिणिव्वायइ सव्वदुक्खाणमंतं करेइ / / 6 / / सोइंदियणिग्गहेणं भंते !जीवे किं जणयइ ? सोइंदियणिग्गहेणं जीवे मणुण्णामणुण्णेसु सद्देसु रागदोसणिग्गहं जणयइ। तप्पच्चयं च णं कम्मं ण बंधइ, पुव्वबद्धं च णिजरेइ // 62 // चक्खिदियणिग्गहेणं भंते ! जीवे किं जणयइ ? चक्खिदियणिग्गहेणं जीवे मणुण्णामणुण्णेसु रूवेसु रागदोसणिग्गहं जणयइ / तप्पच्चइयं च णं कम्मं ण बंधह, पुव्वबद्धं च णिजरेइ // 63 / / घाणिंदियणिग्गहेणं भंते ! जीवे किं नणयइ ? घाणिदियणिग्गहेणं जीवे मणुण्णामणुण्णेसुगंधेसु रागदोसणिग्गहं जणयइ / तप्पच इयं च णं कम्मं ण बंधइ, पुव्वबद्धं च णिजरेइ // 64 // जिभिदियणिग्गहेणं भंते ! जीवे किं जणयइ 1 जिभिंदियणिग्गहेणं जीवे मणुण्णामणुण्णेसु रसेसु रागदोसणिन्गहं नणयइ / तप्पच्चइयं च णं कम्मं ण बंधइ, पुव्वबद्धं च णिजरेइ // 65 // फासिंदियणिग्गहेणं भंते ! जीवे कि जणयइ ? फासिंदियणिग्गहेणं जीवे मणुण्णामणुण्णेसु फासेसु रागदोसणिग्गहं जणयइ / तप्पच्चइयं च णं कम्मं ण बंधइ, पुव्वबद्धं च णिजरेइ // 66 // कोहविजएणं भंते ! जीवे किं जणयइ ? कोहविजएणं जीवे खंति जणयइ / कोहवेयणिज्ज कम्मं ण बंधइ, पुव्ववद्धं च णिजरेइ // 67 // माणविजएणं भंते ! जीवे किं जणयह ? माणविजएणं जीवे मद्दवं जणयइ / माणवेयणिज्लं कम्म ण बंधइ, पुन्वबद्धं च णिजरेइ॥६८॥ मायाविजएणं भंते ! जीवे किं जणयइ ? मायाविजएणं जीवे अजवं जणयह / मायावेयणिज्जं कम्मं ण बंधइ, पुव्वबद्धं च णिज्जरेइ // 69 // लोभविजएणं भंते! जीवे किं जणयइ ? लोभविजएणं जीवे संतोसं जणयह / लोभवेयणिज्ज कम्मं ण बंधइ, पुव्वबद्धं च णिजरेइ / / 70 // पिज्जदोसमिच्छादंसणविजएणं भंते ! जीवे किं जणयइ ? पिजदोसमिच्छादसणविजएणं जीवे णाणदसणचरित्ताराहणयाए अब्भुटेइ / अट्ठविहस्स कम्मम्स कम्मगंठिविमोयणयाए तप्पढमयाए जहाणुपुवीए अट्ठावीसइविहं मोहणिज्जं कम्मं उग्घाएइ, पंचविहं णाणावरणिज्ज, णवविहं दंसणावरणिज्ज, पंचविहं अंतराइयं, एए तिणि वि कम्मंसे जुगवं खवेइ / तओ पच्छा अणुत्तरं कसिणं पडिपुण्णं णिरावरणं वितिमिरं विसुद्धं लोगालोगप्पभावं केवलवरणाणदंसणं समुप्पाडेइ / जाव सजोगी भवइ ताव इरिया
