________________ उत्तरज्झयणसुत्तं अ. 29 1139 जीवे / संयोग बोटिंछदइ। जी वयासंमप्पओगं वोच्छिदित्ता जीवे आहारमंतरेण ण संकिलिस्सइ // 35 // कसायपच्चक्खाणेणं भंते ! जीवे किं जणयइ ? कसायपञ्च* खाणणं जीवे वीयरागभावं जणयइ / वीयरागभावपडिवण्णे वि य णं ज वे समसुहदुक्खे भवइ // 36 // जोगपञ्चक्खाणेणं भंते ! जीवे किं जणयइ ? जोगपञ्चक्खाणेणं जीवे अजोगत्तं जणयइ / अजोगी णं जीवे णवं कम्मं ण बंधइ, पुव्वबद्धं णिजरेइ // 37 // सरीरपच्चक्खाणेणं भंते ! जीवे किं जणयइ ? सरीरपच्चक्खाणेणं जीवे सिद्धाइ सयगुणकित्तणं णिवत्तेह / सिद्धाइसयगुण संपप्णे य णं जवे लोगग्गमुवगए परमसुही भवइ // 38 // सहायपच्चक्खाणेणं भंते ! जीवे किं जगयइ ? सहायपच्चपखाणेणं जीवे एगीभाव जणयह / एगीभावभूए वि य णं जीवे एगत्तं भावेमाणे अप्पसद्दे अप्पझंझे अप्पकलहे अप्पकसाए अप्पतुमंतुमे संजमबहुले संवरबहुले समाहिए यावि भवइ / / 39|| भत्तपच्चक्खाणेणं भंते ! जीवे किं जणयइ ? भत्तपच्चवखाणेणं जीवे अणेगाई भवसयाई णिरंभइ // 40 // सब्भावपच्चक्खाणेणं भंते ! जीवे किं जणयइ ? सम्भाषपच्चक्खाणेणं जीवे अणियट्टि जणयइ / अणियट्टिपडिवणे य अगगारे चत्तारि केवलिकम्मसे खवेइ / तंजहा-वेयणिज्ज आउयं णामं गोयं / तओ पच्छा सिज्झइ बुज्झइ मुच्चइ परिणिव्वायइ सव्वदुक्खाणमंतं करेइ // 41 / / पडिरूवयाए णं भंते ! जीवे किं जणयइ ? पडिरूवयाए णं जीवे लाघवियं जणयइ। लघुभूए णं जीवे अप्पमत्ते पागडलिंगे पसत्थलिंगे विसुद्धसम्मत्ते सत्तसमिइसमत्ते सव्वपाणभूयजीवसत्तेसु वीससणिजरूव अप्पडिले हे जिइंदिए विउलतवसमिइसमण्णा. गए यावि भवइ // 42 // वेयावच्चेणे भंते ! जीवे किं जणयइ ? वेयावच्चेणं ज.वे तित्थयरणामगोत्तं कम्मं णिबंधइ // 43 // सव्वगुणसंपण्णयाए णं भंते ! जवे किं जणयइ ? सव्वगुणसंपण्णयाए णं जीवे अपुणरावत्तिं जणयइ / अपुणरावत्तिं पत्तए य णं जीवे सारीरमाणसाणं दुक्खाणं णो भागी भवइ // 44 // वीयरागयाए णं भंते! जीवे कि जणयइ ? वीयरागयाए णं जीवे णेहाणुबंधणाणि तण्हाणुबंधणाणि य वोच्छिदइ, मणुण्णामणुण्णेसु सद्दफरिसरूवरसगंधेसु (सचित्ताचित्तमीसएसु) चेव विरजइ // 45 // खंतीए णं भंते ! जीवे किं जणयइ ? खंतीए णं जीवे परीसहे जिणइ'. // 46 // मुत्तीए .णं भंते ! जीवे किं जणयइ ? मुत्तीए णं जीवे अकिंचणं जणयइ / अकिंचणे य जीवे अत्थलोलाणं पुरिसाणं अपत्थणिज्जे भवइ // 47 // अजवयाए णं भंते ! जीवे किं जणयइ ? अजवयाए णं जीवे काउन्जुययं भावुज्जुययं
