________________ 1138 . अनंगपविट्ठसुत्ताणि मंदाणुभावाओ पकरेइ / बहुपएसग्गाओ अप्पपएसग्गाओ पकरेइ / आउयं च णं कम्म सिया बंधह, सिया णो बंधइ / असायावेयणिज्जं च णं कम्मं णो भुज्जो भुज्जो उवचिणाइ / अणाइयं च णं अणवदग्गं दीहमद्धं चाउरंतं संसारकंतारं खिप्पामेव . वीइवयइ // 22 // धम्मकहाए णं भंते ! जीवे किं जणयइ ? धम्मकहाए णं णिजरं जणयह / धम्मकहाए णं पवयणं पभावेइ। पवयणपभावेणं जीवे आगमेसस्स भद्दताए कम्मं णिबंधइ ||23|| सुयस्स आराहणयाए णं भंते ! जीवे किं जणयइ ? सुयस्स आराहणयाए णं अण्णाणं खवेइ, ण य संकिलिम्सइ // 24 // एगग्गमणसंणिवेसणयाए णं भंते ! जीवे कि जणयइ ?एगग्गमणसंणिवेसणयाए णं चित्तणिरोहं करेइ // 25 // संजमेणं भंते ! जीवे किं जणयइ ? संजमेणं अणण्हयत्तं जंणयइ // 26 // तवेणं भंते ! जीवे किं जणयइ ? तवेणं वोदाणं जणयइ // 27 // वोदाणेणं भंते ! जीवे किं जणयइ ? वोदाणेणं अकिरियं जणयइ / अकिरियाए भवित्ता तओ पच्छा सिज्झइ बुझाइ मुच्चइ परिणिव्वायइ सव्वदुक्खाणमंतं करेइ // 28 // सुहसाएणं भंते ! जीवे किं जणयइ ? सुहसाएणं अणुस्सुयत्तं जणयइ / अणुस्सुयाए णं जीवे अणुकंपए अणुठभडे विगयसोगे चरित्तमोहणिज्जं कम्मं खवेइ // 29 // अप्पडिबद्धयाए णं भंते ! जीवे कि जणयइ ? अप्पडिबद्धयाए णं जीवे णिस्संगत्तं जणयइ। णिम्संगत्तेणं जीवे एगग्गचित्ते दिया य राओ य असजमाणे अप्पडिबद्धे यावि विहरइ // 30 // विवित्तसयणासणयाए णं भंते ! जीवे किं जणयइ ? विवित्तसयणासणयाए णं जीवे चरित्तगुत्तिं जणयइ / चरित्तगुत्ते य णं जीवे विवित्ताहारे दढचरित्ते एगंतरए मोक्खभावपडिवण्णे अट्टविहकम्मगंठिं णिजरेइ // 31 // विणियट्टणयाए ण भंते ! जीवे किं जणयइ ? विणियट्टणयाए णं जीवे पावकम्माणं अकरणयाए अन्भुढेइ / पुव्वबद्धाण य णिजरणयाए पावं णियत्तेइ / तओ पच्छा चाउरंतं संसारकंतारं वीइवयइ // 32 // संभोगपञ्चक्खाणेणं भंते ! जीवे कि जणयइ ?संभोगपचक्खाणेणं जीवे आलंबणाई खवेइ। णिरालंबणस्स य आययट्ठिया योगा भवंति / सएणं लाभेणं संतुस्सइ, परलाभं णो आसाएइ णो तक्केइ णो पीहेइ णो पत्थेइ णो अमिलसइ / परलाभं अणस्साएमाणे अतक्केमाणे अपीहेमाणे अपत्थेमाणे अणमिलसमाणे दुच्चं सुहसेज्जं उवसंपज्जित्ताणं विहरइ // 33 // उवहिपच्चक्खाणेणं भंते ! जीवे किं जणयइ ? उवहिपच्चक्खाणेणं जीवे अपलिमंथं जगयइ / णिरुवहिए णं जीवे णिक्कंखी उवहिमंतरेण य ण संकिलिस्सइ // 34 // आहारपञ्चक्खाणेणं भंते ! जीवे किं जणयइ ? आहारपच्चखाणेणं जीवे
