________________ उत्तरज्झयणसुत्तं अ. 29 1137 खवेइ / उच्चागोयं कम्मं णिबंधइ / सोहग्गं च णं अपडिहयं आणाफलं णिव्वत्तेइ / दाहिणभावं च णं जणयइ // 10 // पडिक्कमणेणं भंते ! जीवे किं जणयइ ? पडिकमणेणं वयछिद्दाणि पिहेइ / पिहियवयछिद्दे पुण जीवे णिरुद्धासवे असबलचरित्ते अट्ठसु पवयणमायासु उवउत्ते अपुहत्ते सुप्पणिहिए विहरइ // 11 // काउस्सग्गेणं भंते ! जीवे किं जगयइ ? काउस्सग्गेणं तीयपडुप्पण्णं पायच्छित्तं विसोहेइ / विसुद्ध. पायच्छित्ते य जीवे णिन्युयहियए ओहरियभरुव्व भारवहे पसत्थशाणोवगए सुहं. सुहेणं विहरइ // 12 // पच्चक्खाणेणं भंते ! जीवे किं जणयइ ? पच्चक्खाणेणं आसवदाराई णिरंभइ / पच्चवखाणेणं इच्छाणिरोहं जणयइ / इच्छाणिरोह गए य णं जीवे सव्वदव्वेसु विणीयतण्हे सीइभूए विहरइ // 13 / / थवथुमंगलेणं भंते ! जीवे किं जण यइ ? थवथुइमंगलेणं णाणदंसणचरित्तबोहिलाभं जणयइ / णाणदंसणचरित्त. बोहिलामसंपण्णे य णं जीवे अंतकिरियं कप्पविमाणोववत्तिय आराहणं आराहेह // 14 // कालपडिलेहणयाए णं भंते ! जीवे किं जणयइ ? कालपडिलेहणयाए णं णाणावरणिज्जं कम्म खवेइ // 15 // पायच्छित करणेणं भंते ! ज.वे किं जणयइ ? पायच्छित्तकरणेणं पावकम्मविसोहिं जणयइ, णिरइयारे यावि भवइ / सामं च णं पायच्छित्तं पडिवजमाणे मग्गं च मग्गपलं च विसोहेइ, आयारं च आयारपलं च आराहेइ // 16 // खमावणयाए णं भंते ! जीवे किं जणयइ ? खमा. वणयाए णं पल्हायणभावं जणयइ / पल्हायणभावमुवगए य सव्वपाणभूयजव. सत्तेसु मित्तीभावमुप्पाएइ / मित्तीभावमुवगए यावि जीवे भावविसोहिं काऊण णिन्मए भवइ // 17 // सज्झाएणं भंते ! जीवे किं जणयइ सज्झाएणं णाणावरणिज्जं कम्मं खवेइ // 18 // वायणाए णं भंते ! जीवे किं जणयइ ? वायणाए णं णिजरं जणयइ / सुयस्स य अणुसजणाए अणासायणाए वट्टए / सुयस्स अणुसजणाए अणासायणाए वट्टमाणे तित्थधम्मं अवलंबइ / तित्थधम्म अवलंबमाणे महाणिजरे महापजवसाणे भवइ // 19 // पडिपुच्छणयाए णं भंते ! जीवे किं जणयइ ? पडिपुच्छणयाए णं सुत्तत्थतदुभयाई विसोहेइ / कंखामोहणिज्ज कम्मं वोच्छिदइ // 20 // परियट्टणयाए णं भंते ! जीवे किं जणयइ ? परियट्टणयाए णं वंजणाई जणयइ, वंजणलद्धिं च उप्पाएइ // 21 // अणुप्पेहाए भंते ! जीवे किं जणयइ ? अणुप्पेहाए णं आउयवजाओ सत्तकम्मप्पगडीओ धणियबंधणबद्धाओ सिढिलबंधणबद्धाओ पकरेइ / दीहकालट्ठिइयाओ हस्सकालट्ठिइयाओ पकरेइ / तिव्वाणुभावाओ
