________________ 1124 अनंगपविट्ठसुत्ताणि // 14 // गोयमे पडिरूवण्णू ,सीससंघसमाउले / जेठं कुलमवेक्खंतो, तिंदुयं वणमागओ // 15 // केसी कुमारसमणे, गोयमं दिस्समागयं / पडिरूवं पडिवत्ति, सम्मं संपडिवजई / / 16 // पलालं फासुयं तत्थ, पंचमं कुसतणाणि य / गोयमस्स णिसैजाए, खिप्पं संपणामए // 17 // केसी कुमारसमणे, गोयमे य महायसे / उभओ णिसण्णा सोहंति, चंदसूरसमप्पभा // 18 // समागया बहू तत्थ, पासंडा कोउगा मिया / गिहत्थाणं अणेगाओ, साहस्सीओ समागया // 19 // देवदाणवगंधवा, जक्खरक्खसकिण्णरा / अदिस्साणं च भूयाणं, आसी तत्थ समागमो // 20 // पुच्छामि ते महाभाग !, केसी गोयममब्बबी। तओ केसि बुवंतं तु, गोयमो इणमब्बवी // 21 // पुच्छ भंते ! जहिच्छं ते, केसिं गोयममब्बवी ? तओ केसी अणुण्णाए, गोयम इणमब्बवी // 22 // चाउजामो य जो धम्मो, जो इमो पंच सिक्खिओ। देसिओ वद्धमाणेण, पासेण य महामुणी // 23 // एगकऊपवण्णाणं, विस्से किं णु कारणं ? धम्मे दुविहे मेहावी, कहं विप्पच्चओ ण ते 1 // 34 // तओ के सिं बुवंतं तु, गोयमो इणमब्बवी / पण्णा समिक्खए धम्म, तत्तं तत्तविणिच्छियं // 25 // पुरिमा उज्जुजडा उ, वंकजडा य पच्छिमा / मज्झिमा उज्जुपण्णा उ, तेण धम्मे दुहा कए // 26 // पुरिमाणं दुविसोझो उ, चरिमाणं दुरणुपालओ। कप्पो मज्झिमगाणं तु, सुविसोज्झो सुपालओ // 27 // साहु गोयम ! पण्णा ते, छिप्णो मे संसओ इमो / अण्णो वि संसओ मज्झं, तं मे कहसु गोयमा ! // 28|| अचेलगो य जो धम्मो, जो इमो संतरुत्तरो / देसिओ वद्धमाणेण, पासेण य महाजसा // 29 // एगकज्जपवण्णाणं, विसेसे किं णु कारणं / लिंगे दुविहे मेहावी, कहं विष्पचओ ण ते ? // 30 // केसिमेवं बुवाणं तु, गोयमो इणमब्बवी / विण्णाणेण समागम्म, धम्मसाहणमिच्छ्यिं // 31 // पच्चयत्थं च लोगस्स, णाणाविहविगप्पणं / जत्तत्थं गहणत्थं च, लोगे लिंगपओयणं // 32 // अह भवे पइण्णा उ, मोक्खसब्भूयसाहण] / णाणं च दंसणं चेव, चरित्तं चेव णिच्छए // 33 / / साहु गोयम ! पण्णा ते, छिण्णो मे संसओ इमो / अण्णो वि संसओ मज्झं, तं मे कहसु गोयमा ! // 34 // अणेगाणं सहस्साणं, मज्झे चिट्ठसि गोयमा ! / ते य ते अहिगच्छंति, कहं ते णिज्जिया तुमे ! // 35 // एगे जिए जिया पंच, पंच जिए जिया दस / दसहा उ जिणित्ताणं, सव्वसत्तु जिणामहं // 36 // सत्तू य इह के वुत्ते ?, केसी गोयममब्यवी / तओ केसिं बुवंतं तु, गोयमो इणमब्बवी // 37 // एगप्पा अजिए सत्त, कप्ताया इंदियाणि
