________________ उत्तरज्झयणसुत्तं अ. 22 1121 व महाभवोघं, समुद्दपाले अपुणागमं गए // 24 // त्ति-बेमि // इति समुद्दपालीयं णामं एगवीसइमं अज्झयणं समत्तं // 21 // ____ अह रहणेमिज्जणाम बावीसइमं अज्झयणं मोरियपुरम्मि णयरे, आसि राया महिडिए / वसुदेवुत्ति णामेणं, रायलक्खणसंजुए // 1 // तस्स भन्जा दुवे आसी, रोहिणी देवई तहा। तासिं दोण्हं दुवे पुत्ता, इट्टा रामकेसवा / / 2 // सोरियपुरम्मि णयरे, आसि राया महिड्डिए / समुद्दविजए णाम, रायलक्खणसंजुए // 3 / / तस्स मजा सिवा णाम, तीसे पुत्तो महायसो / भगवं अरिटुंगेमित्ति, लोगणाहे दमीसरे // 4 // सोऽरिडणेमिणामो उ, लक्खणस्सरसंजुओ। अट्ठसहस्सलक्खणधरो, गोयमो कालगच्छवी // 5 // वजरिसहसंघयणो, समचउरंसो झसोयरो / तस्स रायमईकण्णं, भज्जं जायइ केसवो // 6 // अह सा रायवरकण्णा, सुसीला चारुपेहणी / सव्वलक्खणसंपण्णा, विज्जुसोयामणिप्पभा // 7 // अहाह जणओ तीसे, वासुदेवं महिड्डिय / इहागच्छउ कुमारो, ना से कण्णं ददामि हं ॥८सव्वोसहीहिं ण्हविओ, कयकोउयमंगलो / दिव्वजुयलपरिहिओ, आभरणेहिं विभूसिओ // 9 // मत्तं च गंधहत्थिं च, वासुदेवस्स जेट्टगं। आरूढो सोहए अहियं, सिरे चूडामणी जहा // 10 // अह ऊसिएण छत्तेण, चामराहि य सोहिओ / दसारचक्केण य सो, सव्वओ परिवारिओ // 11 // चउरंगिणीए सेणाए, रइयाए जहाव मं / दुरियाण सण्णिणाएणं, दिव्वेणं गगणं फुसे // 12 // एयारिसीए इट्टीए, जुत्तीए उत्तमाइ यः / णियगाओ भवणाओ, णिजाओ वहिपुंगवो // 13 // अह सो तत्थ णिज्जतो, दिस्स पाणे भयद्दए / वाडेहिं पंजरेहिं च, संणिरुद्धे सुदुक्खिए // 14 // जीवियंतं तु संपत्ते, मंसट्ठा भक्खियव्वए / पासित्ता से महापण्णे, सारहिं इणमब्बा // 15 // कस्स अट्ठा इमे पाणा, एए सव्वे सुहेसिणो / वाडेहिं पंजरेहिं च, सण्णिरुद्धा य अच्छहिं // 16 // अह सारही तओ भणइ, एए भद्दा उ पाणिणो। तुझं विवाहकजम्मि, भोयावेउं बहं जणं // 17 // सोऊण तस्स वयणं, बहुपाणिविणासणं / चिंतेइ से महापण्णे, माणुक्कोसे जिएहि ऊ // 18 // जइ मज्झ कारणा एए, हम्मति सुबहू जिया। ण मे एयं तु णिस्सेसं, परलोगे भविस्सई // 19 // सो कुंडलाण जुयलं, सुत्तगं च महायसो / आभरणाणि य सवाणि, साहिस्स पणामए // 20 // मणपरिणामो य
