________________ जंबुद्दीवपण्णत्ती व. 3 643 भुंजमाणे विहरइ // 52 // तए णं से भरहे राया अण्णया कयाई सुसेणं सेणावइं सद्दावेइ 2 त्ता एवं वयासी-गच्छ णं खिप्पामेव भो देवाणुप्पिया ! तिमिसगुहाए दाहिणिल्लस्स दुवारस्स कवाडे विहाडेहि 2 त्ता मम एयमाणत्तियं पच्चप्पिणाहित्ति, तए णं से सुसेणे सेणावई भरहेणं रण्णा एवं वुत्ते समाणे हद्वतुट्ठ चित्तमागं दिए जाव करयलपरिमाहियं० सिरसावत्तं मत्थए अंजलिं कट्ट जाव पडिसुणेइ 2 त्ता भरहस्स रण्णो अंतियाओ पडिणिक्खमइ 2 त्ता जेणेव सए आवासे जेणेव पोसहसाला तेणेव उवागच्छइ 2 त्ता दब्भसंथारगं संथरइ जाव कयमालस्स देवस्स अट्ठमभत्तं पगिप्हइ पोसहसालाए पोसहिए बंभयारी जाव अट्ठमभत्तंसि परिणममाणसि पोसहसालाओ पडिणिक्खमइ 2 ता जेणेव मजणघरे तेणेव उवागच्चइ 2 त्ता हाए कयबलिकम्मे कयकोउयमंगल-पायच्छिते. सुद्धप्पावेसाई मंगलाई वत्थाई पवरपरिहिए अप्पमहन्धाभरणालंकियसरीरे धूवपुप्फगंधमलहत्थगए मजणघराओ पडिणिवख्मइ 2 त्ता जेणेव तिमिसगुहाए दाहिणिलस्स दुवारस्स कवाडा तेणेव पहारेत्थ गमणाए, तए णं तस्स सुसेणस्स सेणावइस्स. बहवे राईसरतलवरमाउंबिय जाव सत्थवाहप्पमियओ अप्पेगइया उप्पलहत्थगया जाव सुसेणं सेणावई पिट्ठओ 2 अणुगच्छंति, तए णं तस्स सुसेणस्स सेणावइस्स बहुईओ खुजाओ चिलाइयाओ जाव इंगियचिंतियपन्थियवियाणियाओ पिउणकुसलाओ विणियाओ अप्पेगइयाओ कलसहत्थगयाओ जाव अणुगच्छंति / तए णं से सुसेणे सेणावई सव्विड्डीए सव्वजुईए जाव णिहोसणाइएणं जेणेव तिमिसगुहाए दाहिणिल्लस्स दुवारस्स कवाडा तेणेव उवागच्छइ 2 रा आलोए कवाडाणं पणामं करेइ 2 त्ता लोमहत्थगं परामुसइ 2 त्ता तिमिसगुहाए दाहिणिलस्स दुवारस कवाडे लोमहत्येणं पमजइ 2 त्ता दिव्वाए उदगधाराए अब्भुक्खेइ 2 त्ता सरसेणं गोसीसचंदणेणं पंचंगुलितले चच्चए दलइ 2 त्ता अन्गेहिं वरेडिं गंधेहिय मल्लेहि य अच्चिणेइ, अच्चिणित्ता पुष्फारहणं जाव वत्थारुहणं करेइ, करित्ता आसत्तोसत्तविउलवट्ट जाव करेइ करित्ता अच्छेहिं सण्णेहिं रयया. मएहिं अच्छरसातंडुलेहिं तिमिसगुहाए दाहिणिल्लस्स दुवारस्स कवाडाणं पुरओ अट्ठट्ट मंगलए आलिहइ, तंजहा-सोत्थिय सिविच्छ जाव कयग्गहगहिय-करयल-पब्भट्ठ'चंदप्पह-वहर-वेरुलिय-विमलदंडं जाव धूवं दलयइ, दलयित्ता वामं जाणु अंचेइ, अंचेत्ता करयल जाव मत्थए अंजलिं कट्ट कवाडाणं पणामं करेइ, करित्ता दंडरयणं परामुसइ, तए णं तं दंडरयणं पंचलइयं वइरसारमइयं विणासणं सव्वसत्तुसेण्णाणं
