________________ 644 अनंगपविद्वसुत्ताणि खंधावारे णरवइस्स गड्डदरिविसमपन्भारगिरिवरपवायाणं समीकरणं संतिकरं सुभकरं हियकरं रण्णो हियइच्छियमणोरहपूरगं दिव्वमप्पडियं दंडरयणं गहाय सत्तट्ठ पयाई पच्चोसक्का पच्चोसक्कित्ता तिमिसगुहाए दाहिणिलस्स दुवारस्स कवाडे दंडरयणेणं महया 2 सद्देणं तिक्खुत्तो आउडेइ, तए णं तिमिसगुहाए दाहिणिलस्स दुवारस्स कवाडा सुसेणसेणावइणा दंडरयणेणं महया 2 सद्देणं तिक्खुत्तो आउडिया समाणा महया 2 सद्देणं कोंचारवं करेमाणा सरसरस्स सगाई 2 ठाणाई पच्चोसक्कित्था, तए णं से सुसेणे सेणावई तिमिसगुहाए दाहिणिल्लस्स दुवारस्स कवाडे विहाडेइ 2 त्ता जेणेव भरहे राया तेणेव उवागच्छइ 2 त्ता जाव भरहं रायं करयलपरिग्गहियं जएणं विजएणं वद्धावेइ 2 त्ता एवं वयासी-विहाडिया णं देवाणुप्पिया ! तिमिसगुहाए दाहिणिल्लस्स दुवारस्स कवाडा एयण्णं देवाणुप्पियाणं पियं णिवेएमो पियं मे भवउ, तए णं से भरहे राया सुसेणस्स सेणावइस्स अंतिए एयमटुं सोचा णिसम्म हट्टतुट्ठचित्तमाणदिए जाव हियए' सुसेणं सेणावई सक्कारेइ सम्माणेइ सक्कारिता सम्माणित्ता कोडुंबियपुरिसे सद्दावेइ 2 त्ता एवं वयासी-खिप्पामेव भो देवाणुप्पिया! आभिसेक्कं हत्थिरयणं पडिकप्पेह हयगयरहपवर तहेव जाव अंजणगिरिकूडसण्णिभं गयवरं णरवई दुरूढे // 53 // तए णं से भरहे राया मणिरयणं परामुसइ तोतं चउरंगुलप्प. माणमित्तं च अणग्धं तंसियं छलंसं अणोवमजुइं दिव्वं मणिरयणपइसमं वेरुलियं सव्वभूयकंतं जेण य मुद्धागएणं दुक्खं ण किंचि जाव हवइ आरोग्गे य सव्वकालं तेरिच्छियदेवमाणुसकया य उवसग्गा सव्वे ण करेंति तस्स दुखं, संगामेऽवि असत्यवज्झो होइ णरो मणिवरं धरतो ठियजोव्वणकेसअवट्ठियणहो हवइ य सब्वभयविप्प. मुक्को, तं मणिरयणं गहाय से णरवई हत्थिरयणस्स दाहिणिल्लाए कुंभीए णिक्खिवइ, तए णं से भरहाहिवे णरिंदे हारोत्थयसुकयरइयवच्छे जाव अमरवइसण्णिभाए इट्टीए पहियकित्ती मणिरयणकउज्जोए चक्करयणदेसियमग्गे अणेगरायसहस्साणुयायमग्गे महया उक्किट्ठिसीहणायबोलकलकलरवेणं समुद्दखभूयं पिव करेमाणे जेणेव तिमिसगुहाए दाहिणिल्ले दुवारे तेणेव उवागच्छइ 2 त्ता तिमिसगुहं दाहिणिल्लेणं वारेणं अईइ ससिव्व मेहंधयारणिवहं / तए णं से भरहे राया छत्तलं दुवालसंसियं अट्ठकण्णियं अहिंगरणिसंठियं अट्ठसोवणियं कागणिरयणं परामुसइ / तए णं तं चउँरंगुलप्पमाणमित्तं अट्ठसुवण्णं च विसहरणं अउलं चउरंससंठाणसंठियं समतलं माणुम्माणजोगा जओ लोगे चरंति सव्वजणपण्णवगा, ण इव चंदो ण इव तत्थ
