________________ - उत्तरज्झयणसुत्तं अ. 11 1097 सहि ठाणेहिं, वट्टमाणे उ संजए / अविणीए वुच्चई सो उ, णिव्वाणं च ण गच्छई // 6 // अभिक्खणं कोही हवई, पबंधं च पकुवेई / मेत्तिजमाणो वमैई, सुयं लखूण मज्जई // 7 // अवि पावपरिक्खेवी, अवि मित्तेसु कुप्पई। सुप्पियस्सावि मित्तस्स, रहे भासइ पायं // 8 // पइण्णवाई दुहिले, थद्धे लुद्धे अणिगेहे / असंविभौगी अवियत्ते, अविणीए त्ति वुच्चई // 9 // अह पण्णरसहिं ठाणेहि, सुविणीए त्ति वुच्चई / णीयावित्ती अचवैले अमाई भकुऊहँले // 10 // अप्पं च अहिविखवेई, पबंधं च ण कुवई / मेत्तिजमाणो भयई, सुयं लधु ण मजई // 11 // ण य पावपरिक्खेवी, ण य मित्तेसु कुथई / अप्पियस्सावि मित्तस्स, रहे कल्लाण मांसई // 12 // कलहडमरवज्जिएं, बुद्धे अभिजाइएँ। हिरिमं पडिसंलणे, सुपिणीए त्ति वुच्चई // 13 // वसे गुरुकुले णिच्चं, जोगवं उवहाणवं / पियंकरे पियंवाई, से सिक्खं लडुमरिहई // 14 // जहा संखमि पयं, णिहियं दुहओ वि विरायई / एवं बहुस्सुए भिक्खू , धम्मो कित्ती तहा सुयं // 15 // जहा से कंधोयाणं, आइण्ण कथए सिया। आसे जवेण पवरे, एवं हवइ बहुस्सुए // 16|| जहाइण्णसमारूढे, सूरे दढपरकमे। उभओ णंदिघोसेणं, एवं हवई' बहुस्सुए // 17 / / जहा करेणुपरिकिण्णे, कुंजरे सट्ठिहायणे / बलवंते अप्पडिहए, एवं हवइ बहुम्सुए // 18|| जहा से तिवखसिंगे, जायखंधे विरायई / वसहे जूहाहिवई, एवं हवइ बहुस्सुए // 19|| जहा से तिक्खदाढे, उदग्गे दुप्पहंसए / सीहे मियाण पवरे, एवं हवइ बहुस्सुए // 20 // जहा से वासुदेवे, संखचक्कगदाधरे / अप्पडिहयबले जोहे, एवं हवइ बहुस्सुए // 21 // नहा से चाउरंते, चक्कबट्टी महिड्डिए / चोद्दसरयणाहिवई, एवं हवइ बहुस्सुए // 22 // जहा से सहस्सक्खे, वजपाणी पुरंदरे / सक्के देवाहिवई, एवं हवइ बहुस्सुए // 23 / / जहा से तिमिरविद्धंसे, उच्चिटुंते दिवायरे / जलंते इव तेएण, एवं हवइ बहुस्सुए // 24 // जहा से उडुवई चंदे, णक्खत्तपरिवारिए। पडिपुण्णो पुण्णमासीए, एवं हवइ बहुस्सुए // 25 // जहा से सामाइयाणं, कोट्ठागारे सुरविखए / णाणाधण्णपडिपुण्णे, एवं हवइ बहुस्सुए // 26 // जहा सा दुमाण पवरा, जंबू णाम सुदंसणा। अणाढियस्स देवस्स, एवं हवइ बहुस्सुए // 27 // जहा सा गईण पवरा, सलिला सागरंगमा / सीया णीलवंतपवहा, एवं हवइ बहुस्सुए // 28 // जहा से णगाण पवरे, सुमहं मंदरे गिरी / णाणोसहिपजलिए, एवं हवइ बहुस्सुए // 29|| जहा से सयंभुरमणे, उदही अक्खओदए / णाणारयणपडिपुण्णे, एवं हवइ बहुम्सुए // 30 //
