________________ 1066 अनंगपविट्ठसुत्ताणि ते सरीरयं, केसा पंडुरया हवंति ते / से जिन्भबले य हायई, समयं गोयम ! मा पमायए // 24 // परिजूरइ ते सरीरयं, केसा पंडुरया हवंति ते / से फासदले य हायई, समय गोयम ! मा पमायए // 25 // परिजूरइ ते सरीरयं, केसा पंडुरया हवंति ते / से सव्वबले य हायई, समयं गोयम ! मा पमायए // 26|| अरई गंडं विसूइया, आयंका विविहा फुसंति ते / विहडह विद्धंसइ ते सरीरयं, समयं गोयम ! मा पमायए // 27 // वोच्छिद सिणेहमप्पणो, कुमुयं सारइयं व पाणियं / से सव्वसिणेहवज्जिए, समयं गोयम ! मा पमायए // 28 // चिच्चाण धणं च भारियं, पध्वइओ हि सि अणगारियं / मा वंतं पुणो वि आविए, समयं गोयम ! मा पमायए // 29 // अवउझिय मित्तबंधवं, विउलं चेव धणोहसंचयं / मा तं बिइयं गवे. सए, समयं गोयम ! मा पमायए.॥३०॥ण हु जिणे अज दिस्सइ, बहुमए दिस्सह मग्गदेसिए / संपइ णेयाउए पहे, समयं गोयम ! मा पमायए // 31 // असोहिय कंटगापह, ओइण्णो सि पहं महालयं / गच्छसि मग्गं विसोहिया, समयं गोयम! मा पमायए // 32 // अबले जह भारवाहए, मा मग्गे विसमेऽवगाहिया / पच्छा पच्छाणुतावए, समयं गोयम ! मा पमायए // 33 // तिण्णो हु सि भण्णवं महं, किं पुण चिट्ठसि तीरमागओ। अभितुर पारं गमित्तए, समयं गोयम ! मा पमायए // 34 // अकलेवरसेणिं उस्सियां, सिद्धिं गोयम ! लोयं गच्छसि / खेमं च सिवं अणुत्तरं, समयं गोयम ! मा पमायए // 35 // बुद्धे परिणिन्वुडे चरे, गामगए णगरे व संजए / संतीमग्गं च बूहए, समयं गोयम ! मा पमायए // 36 // बुद्धस्स णिसम्म भासियं, सुकहियमट्टपओवसोहियं / रागं दोसं च छिदिया, सिद्धिगई गए गोयमे // 37 // त्ति-बेमि // इति दुमपत्तयं णामं दसममज्झयणं समत्तं // 10 // ...... अह बहुस्सुयपुज्जं णामं एगारसममज्झयणं संजोगा विप्पमुक्कस्स, अणगारस्स मिक्खुणो / आयारं पाउकरिस्सामि, आणु- पुल्विं सुणेह मे // 1 // जे यावि होइ णिविज्जे, थद्धे लुद्धे अणिग्गहे / अभिवखणं * उल्लवई, अविणीए अबहुस्सुए // 2 // अह पंचहि ठाणेहिं, जेहिं सिक्खा ण लभई। थम्भा कोहै। पमाणं, रोगेणीऽलस्सएणे य // 3 // अह अट्ठहिँ ठाणेहि, सिक्खासीले त्ति वुच्चई / अहस्सिरे सया दंते , ण य मम्ममुदाहरे // 4 // गासीले ण विसीले', ण सिया अइलोलुएँ / अकोहणे सच्चरएं, सिक्खासीले त्ति बुच्चई // 5 // अह चोद्द
