________________ - उत्तरज्झयणसुतं अ. 9 1093 णमि रायरिसिं, देविंदो इणमब्बवी // 17 // पागारं कारइत्ताणं, गोपुरट्टालगाणि य / उस्सूलगसयग्घीओ, तओ गच्छसि खत्तिया ! // 18 // एयमटुं णिसामित्ता, हेऊकारणचोइओ / तओ णमी रायरिसी, देविंदं इणमब्बवी // 19 // सद्धं गगरं किच्चा, तवसंवरमग्गलं। खंतिं णिउणपागारं, तिगुत्तं दुप्पधंसयं // 20 // धj परक्कम किच्चा, जीवं च इरियं सया / धिहं च केयणं किच्चा, सच्चेणं पलिमंथए // 21 // तवणारायजुत्तेण, भित्तूंण कम्मकंचुयं / मुणी विगयसंगामो, भवाओ परिमुच्चए // 22 // एयमढे णिसामित्ता, हेउकारणचोइओ / तओ णमि रायरिसिं, देविंदो इणमब्बवी // 23 // पासाए कारइत्ताणं, वद्धमाणगिहाणि य / वालग्गपोइयाओ य, तओ गच्छसि खत्तिया ! // 24 // एयमढें णिसामित्ता, हेऊकारणचोइओ। तओ णमी रायरिसी, देविंदं इणमब्रवी // 25 // संसयं खलु सो कुणई, जो मग्गे कुणई घरं / जत्थेव गंतुमिच्छेजा, तत्थ कुव्वेज सासयं // 26 // एयमटुं णिसामित्ता, हेऊकारणचोइओ। तओ णमि रायरिसिं, देविंदो इणमब्बवी // 27 // आमोसे लोमहारे य, गंठिभेए य तक्करे / णगरस्स खेमं काऊणं, तओ गच्छसि खत्तिया ! // 28|| एयमटुं णिसामित्ता, हेऊकारणचोइओ / तओ णमी रायरिसी, देविंदं इणमब्बवी // 29 // असई तु मणुस्सहिं, मिच्छा दंडो पजुज्जई / अकारिणोऽत्थ बज्झंति, मुच्चई कारओ जणो॥३०॥ एयमढें णिसामित्ता, हेऊकारणचोइओ। तओ णमि रायरिसिं देविदो इणमब्बवी // 31 // जे केइ पस्थिवा तुझं, णाणमंति णराहिवा। वसे ते ठावइत्ताणं, तओ गच्छसि खत्तिया ! // 32 // एयमटुं णिसामित्ता, हेऊकारणचोइओ। तओ णमी रायरिसी, देविंदं इणमब्बवी // 33 // जो सहस्सं सहस्साणं, संगामे दुजए जिणे / एगं जिणेज अप्पाणं, एस से परमो जओ // 34 // अप्पाणमेव जुज्झाहि, किं ते जुज्झेण बज्झओ। अप्पाणमेव अप्पाणं, जइत्ता सुहमेहए // 35 // पंचिंदियाणि कोहं, माणं मायं तहेव लोहं च / दुजयं चेव अप्पाणं, सव्वमप्पे जिए जियं // 36 // एयमटुं णिसामित्ता, हेऊकारणचोइओ। तओ णमि रायरिसिं, देविंदो इणमब्बवी // 37|| जइत्ता विउले जण्णे, भोइत्ता समणमाहणे / दच्चा भोच्चा य जिट्ठा य, तओ गच्छसि खत्तिया ! // 38 // एयमढें णिसामित्ता हेऊकारणचोइओ। तओ णमी रायरिसी, देविंदं इणमब्बवी // 39 // जो सहस्सं सहस्साणं, मासे मासे गवं दए। तस्स वि संजमो सेओ, अदितस्स वि किंचणं // 40 // एयमटुं णिसामित्ता, हेऊकारणचोइओ। तओ णमि रायरिसिं, देविंदो इणमब्बवी // 41 // घोरासमं चइत्ताणं, अण्णं पत्थेसि आसमं।
