________________ 1090 अनंगपविद्वसुत्ताणि आएसं परिकंखए // 2 // जाव ण एइ आएसे, ताव जीवइ से दुही / अह पत्तम्मि आएसे, सीस छेत्तण भुजई // 3 // जहा से खलु उरब्भे, आएसाएं सम हिए / एवं. बाले अहम्मिडे, ईहई णरयाउयं // 4 // हिंसे बाले मुसावाई, उद्धाणंमि विलोवए / अण्णदत्तहरे तेणे, माई कं णु हरे सढे // 5 // इत्थी विसयगिद्धे य, महारंभपरिग्गहे। भुंजमाणे सुरं मंसं, परिवूढे परंदमे // 6 // अयकक्करभोई य, तुंदिल्ले चियलोहिए। आउयं णरए कंखे, जहाएसं व एलए // 7 // आसणं सयणं जाणं, वित्तं कामे य भुंजिया / दुस्साहडं धणं हिच्चा, बहुं मंचिणिया रयं // 8 // तओ कम्मगुरू जंतू, पच्चुप्पण्णपरायणे / अयव्व आगयाएसे, मरणंतरिम सोयई // 9 // तओ आउपरिक्खीणे, चुयदेहा विहिंसगा। आसुरीयं दिसं बाला, गच्छंति अवसा तमं // 10 // जहा कागिणिए हेउं, सहस्सं हारए गरो / अपत्थं अंबगं भोच्चा, राया रज्जंतु हारए // 11|| एवं माणुस्सगा कामा, देवकामाण अंतिए / सहस्सर णिया भुज्जो, आउं कामा य दिव्विया // 12 // अणेगवासाणउया, जा सा पण्णवओ ठिई। जाणि जीयंति दुम्मेहा, ऊणे वाससयाउए // 13 // जहा य तिणि वाणिया, मूलं घेत्तण णिग्गया। एगोऽत्थ लहई लामं, एगो मूलेण आगओ // 14 // एगो मूलं पि हारित्ता, आगओ तत्थ वाणिओ। ववहारे उवमा एसा, एवं धम्मे वियाणह // 15 // माणुसत्तं भवे मूलं, लाभो देवगई भवे / मूलच्छेएण जीवाणं, णरगतिरिक्खत्तणं धुवं // 16 // दुहओ गई बालस्स, आवई वह मूलिया / देवत्तं माणुसत्तं च, जं जिए लोलयासढे // 17 // तओ जिए सइं होई, दुविहं दुग्गइं गए / दुल्लहा तस्स उम्मग्गा, अद्धाए सुचिरादवि // 18 // एवं जियं सपेहाए, तुलिया बालं च पंडियं / मूलिय ते पवेसंति, माणुसिं जोणिमेति जे // 19 // वेमायाहिं सिक्वाहि, जे णरा गिहिसुव्वया / उवेति माणुसं जोणिं, कम्मसच्चा हु पाणिणो // 20 // जे सिं तु विउला सिक्खा, मूलियं ते अइच्छिया। सीलवंता सविसेसा, अदीणा जंति देवयं / / 21 // एवमद्दीणवं भिक्खू , अगारिं च वियाणिया। कहण्णु जिच्चमेलिक्खं, जिच्चमाणे ण संविदे // 22 // जहा कुसन्गे उदगं, समुद्देण समं मिणे। एवं माणुस्सगा कामा, देवकामाण अंतिए // 23 / / कुसरगमेत्ता इमे कामा, सण्णिरुद्धम्मि आउए / कस्स हेउं पुराकाउं, जोगवखेमं ण संविदे // 24 // इह कामाणियहस्स, अत्तढे अवरज्झई / सोच्छा णेयाउयं मन्गं, ज भुजो परिभस्सई // 25 // इह कामाणियट्टस्स, अत्तढे णावरज्झई / पूइदेहणिरोहेणं, भवे देवे त्ति मे सुयं // 26 // इट्टी जुई जसो वण्णो, आउं सुहमणुत्तरं / भुज्जो जत्थ मणुस्सेसु, तत्थ से
