________________ अह खुड्डागणियंठिज्जं णामं छ?मज्झयणं जावंतऽविजापुरिसा, सव्वे ते दुक्खसंभवा / लुप्पंति बहूसो मूढा, संसारंमि अणंतए // 1 // समिक्ख पंडिए तम्हा, पासनाइपहे बहू। अप्पणा सच्चमेसेजा, मेत्तिं भूएसु कम्पए // 2 // माया पिया ण्हुसा भाया, भजा पुत्ता य ओरसा। णालं ते मम ताणाए, लुप्पंतस्स सकम्मणा // 3 // एयमढे सपेहाए, पासे समियदंसणे / छिंदे गिद्धिं सिणेहं च, ण कंखे पुव्वसंथवं // 4 // गवासं मणिकुंडलं, पसवो दासपोरुसं / सबमेयं चइत्ताणं, कामरूवी भविस्ससि // 5 ॥(थावरं जंगमं चेव, धणं धण्णं उवाखरं / पच्चमाणस्स कम्मेहि, णालं दुक्खाओ मोयणे।) अज्झत्थं सव्वओ सव्वं, दिस्स पाणे पियायए / ण हणे पाणिणो पाणे, भयवेराओ उवरए // 6 // आयाणं णरयं दिस्स, णायएज तणामवि / दोगुंछी अप्पणो पाए, दिण्णं भुंजेज भोयणं / / 7 // इहमेगे उ मण्णंति, अप्पचक्खाय पावगं / आयरियं विदित्ताणं, सव्वदुक्खा विमुच्चई // 8 // भणंता अकरेंता य, बंधमोवखपइणिणो। वायाविरियमेत्तेण, समासासेंति अप्पयं // 9 ॥ण चित्ता तायए भासा, कुओ विजाणुसासणं / विसण्णा पावकम्मेहि, बाला पंडियमाणिणो // 10 // जे के सरीरे . सत्ता, वण्णे रूवे य सव्वसो / मणसा कायवक्केणं, सव्वे ते दुक्खसंभवा / / 11 // आवण्णा दीहमदाणं, संसारंमि अणंतए / तम्हा सव्वदिसं पस्सं, अप्पमत्तो परिव्वए // 12 // बहिया उड्डमादाय, णाचकंखे कयाइ वि / पुव्वकम्मक्खयहाए, इमे देहं समुद्धरे // 13 // विगिंच कम्मुणो हेउं, कालखी परिव्वए / मायं पिंडस्स पाणस्स, कडं लक्षूण भवखए // 14 // सण्णिहिं च ण कुव्वेजा, लेवमायाए संजए। पक्खीपत्तं समादाय, णिरवेक्खो परिव्वए // 15 // एसणासमिओ.लज्जू , गामे भणियओ चरे / अप्पमत्तो पमत्तेहिं, पिंडवायं गवेसए // 16 // एवं से उदाहु अणुत्तरणाणी,अणुत्तरदंसी अणुत्तरणाणदंसणधरे। अरहा णायपुत्ते भगवं, वेसालिए वियाहिए // 17 // त्ति-बेमि // इति खुड्डागणियंठिज्जंणामं छ?मज्झ'यणं समत्तं // 6 // अह एलइज्जणामं सत्तममज्झयणं जहाऽएसं समुद्दिस्स, कोइ पोसेज एलयं / ओयणं जवसं देजा, पोसेजा वि सयंगणे // 1 // तओ से पुढे परिवूढे, जायमेए महोयरे / पीणिए विउले देहे,
