________________ 1088 अनंगपविटुसुत्ताणि मट्टियं // 10 // तओ पुट्ठो आयंकेणं, गिलाणो परितप्पई / पमीओ परलोगस्स, कम्माणुप्पेहि अप्पणो // 11 // सुया मे णरए ठाणा, असीलाणं च जा गई। बालागं कूरकम्माणं, पगाढा जत्थ वेयणा // 12 // तत्थोववाइयं ठाणं, नहा मेय.. मणुस्सुयं / अहाकम्मेहिं गच्छंतो, सो पच्छा परितप्पई // 13 // जहा सागडिओ जाणं, समं हिच्चा महापहं / विसमं मग्गमोइण्णो, अक्खे भग्गम्मि सोयई // 14 // वं धम्मं विउक्कम्म, अहम्मं पडिवज्निया / बाले मच्चुमुहं पत्ते, अक्खे भग्गे व सोपई // 15 // तओ से मरणंतम्मि, बाले संतसई भया / अकाममरणं मरइ, हुत्ते व कलिणा जिए // 16 // एयं अकाममरणं, बालाणं तु पवेइयं / इत्तो सकाममरणं, पंडियाणं सुणेह मे // 17 // मरणं पि सपुण्णाणं, जहां मेयमणुस्सुयं / विप्पसण्णमणाघायं, संजयाण बुसीमओ // 18 // ण इमं 'सव्वेसु भिक्खूसु, ण इमं सव्वेसु. ऽगारिसु / णाणासीला अगारत्था, विसमसीला य भिवखुणो // 19 // संति एगेहिं भिक्खूहिं गारत्था संजमुत्तरा / गारत्थेहि य सम्वेहि, साहयो संजमुत्तरा // 20 // चीराजिणं णगिणिणं, जडी संघाडि मुंडिण / एयाणि वि ण तायंति, दुस्सीलं परियागयं // 21 // पिंडोलएव्व दुस्सीले, णरगाओ ण मुच्चई / भिक्खाए वा गिहत्थे वा, सुब्बए कम्मई दिवं // 22 // अगारि सामाइयंगाणि, सड्डी काएण फासए / पोसहं दुहओ पक्खं, एगरायं / हावए // 23 // एवं सिक्स्यासमावण्णे, गिहिवासे वि सुब्बए / मुच्चई छविपद्बाओ, गच्छे जक्खसलोगयं // 24 // अह जे संवुडे मिक्खू, दोण्हं अण्णयरे सिया। सव्वदुक्खपहीणे वा, देवे वावि महिहिए // 25 // उत्तराई विमोहाई, जुईमंताऽणुपुव्वसों। समाइण्णाई जस्खेहि, आवासाइं जसंसिणो // 26 // दीहाउया इथिमंता, समिद्धा कामरूविणो। अहुणोववण्णसंकासा, भुज्जो अच्चिमालिप्पभा // 27 // ताणि ठाणाणि गच्छंति, सिक्खित्तासंजमं तवं / भिक्खाए वा गिहत्थे वा, जे संति परिणिचुडा // 28 // तेसिं सोचा सपुजाणं, संजयाण वुसीमओ / ण संतसंति मरणंते, सीलवंता बहुस्सुया // 29 // तुलिया विसेसमादाय, दयाधम्मस्स खतिए / विप्पसीएज मेहावी, तहाभूएण अप्पणा // 30 // तओ काले अभिपए, सद्दी तालिसमंतिए / विणएज लोमहरिसं, मेयं देहस्स कंखए // 31 // अह कालम्मि संपत्ते, आघायाय समुस्सयं / सकाममरणं मरई, तिण्डमण्णयरं मुणी // 32 // त्ति-वेमि // इति अकाममरणिज्जं णामं पंचममज्झयणं समत्तं // 5 //
