________________ 1082 अनंगपविट्ठसुत्ताणि पसायपेही णियागट्ठी, उवचिढे गुरुं सया ||20|| आलवंते लवंते पा, ण णि सीएज कयाइ वि / चइऊणमासणं धीरो, जओ जुत्तं पडिस्सुणे // 21 // आसणगओ ण पुच्छेज्जा, णेव सेजागओ कयाइ वि / आगम्मुव कुडुओ संतो, पुच्छिजा पंजली तो / / 22 // एवं विणयजुत्तस्स, सुत्तं अत्थं च तदुभयं / पुच्छमाणस्स सीसस्स, वागरिज जहासुयं // 23 // मुसं परिहरे भिक्खू, ण य ओहारिणिं वए। भासादोसं परिहरे, मायं च वजए सया // 24 // ण लवेज पुट्ठो सावज्जं, ण णिरटुं ण मम्मयं / अप्पणट्ठा परट्ठा वा, उभयस्संतरेण वा // 25 / / समरेसु अगारेसु, संधीसु य महापहे / एगो एगितिथए सद्धिं, णेव चिंटे ण संलवे // 26 // जं मे बुद्धाऽणुसासंति, सीएण फरसेण वा / मम लाभो त्ति पेहाए, पयओ तं पडि'स्सुणे // 27 // अणुसासणमोवायं, दुकडस य चोयणं / हियं तं मण्णई पण्णो, वेसं होइ असाहुणो / / 28 / / हियं विगयभया बुद्धा, फरसं पि अणुसासणं / वेसं तं होइ मूढाणं, खंतिसोहिकरं पयं // 29 // आसणे उवचिढेजा, अणुच्चे अकुए थिरे / अप्पुट्ठाई णिरुट्ठाई, णिसीएजप्पकुक्कुए // 30 // कालेण णिवखमे भिवख, कालेण य पडिक्कमे / अकालं च विवज्जित्ता, काले कालं समायरे // 3 // परिवाडीए ण चितुजा, भिक्खू दत्तेसणं चरे। पडिरूवेण एसित्ता, मियं कालेण भक्खए // 32 // णाइदूरमणासण्णे, णऽण्णेसिं चक्खुफासओ। एगो चिटेज भत्तट्ठा, लंबित्ता तं णऽइक्कमे // 33 // णाइउच्चे व णीए वा, णासण्णे णाइदूरओ। फासुयं परकडं पिंडं, पडिगाहेज संजए // 34 // अप्पपाणेऽम्पबीयग्मि, पडिच्छण्णमि संबुडे / समयं संजए भुंजे, जयं अपरिसाडियं // 35 // सुकडित्ति सुपक्कित्ति, सुच्छिण्णे सुहडे मडे / सुणिट्ठिए सुलट्ठित्ति, सावज्जं वजए मुणी // 36 // रमए पंडिए सासं हयं भदं व वाहए / बालं सम्मइ सासंतो, गलियस्सं व वाहए / / 37 / / खड्डया मे चवेडा मे, अक्कोसा य वहा य मे। कल्लाणमणुसासंतो, पावदिवित्ति मण्णई // 38 // पुत्तो मे भाय णाइत्ति, साहू कल्लाण मण्णई / पावदिट्ठि उ अप्पाणं, सासं दासित्ति मण्णई // 39 // ण कोवए आयरियं, अप्पाणं पि ण कोवए / बुद्धोवघाई ण सिया, ण सिया तोत्तगवेसए // 40 // आयरियं कुवियं णच्चा, पत्तिएण पसायए। विज्झवेज पंजलीउडो, वएज ण पुणो त्ति य // 41 // धम्मज्जियं च ववहारं, बुद्धेहायरियं सया। तमायरंतो ववहारं, गरहं णाभिगच्छई // 42 // मणोगयं वकगयं, जाणित्तायरियस्स उ / तं परिगिज्झ वायाए, कम्मुणा उववायए // 43 // वित्ते अचोइए णिच्चं, खिप्पं हवइ सुचोइए / जहोवइ8 सुकयं, किच्चाई कुवई सया
