________________ उत्तरज्झयणसुत्तं अह विणयसुयं णामं पढममज्झयणं ई.जोगा विष्पमुक्कस्त, अणगारस्स भिक्खुणो / विणयं पाउकरिस्सामि, आणुपुदि सुणेह मे // 1 // आणाणिद्देसकरे, गुरूणमुक्वायकारए / इंगियागारसंपण्णे, से विणीए त्ति बुच्चई // 2 // आणाऽणिद्देसकरे, गुरूणमणुववायकारए / पडिणीए असंबुद्धे, अविणीए त्ति वुच्चई // 3 // जहा सुणी पूइकण्णी, णिक्कसिजई सव्वसो। एवं दुस्सीलपडिगीए, मुहरी णिकसिजई // 4 // कणकुण्डगं चहत्ताणं, विटुं भुंजइ सूयरे / एवं सीलं चहत्तागं, दुसीले रमई मिए // 5 // सुणिया भावं साणस्स, सूयरस्स णरस्स य / विणए ठवेज अप्पाणं, इच्छंतो हियमप्पणो // 6 // तम्हा विणयमेसिजा, सीलं पडिलभेजओ / बुद्धपुत्त णियागट्ठी, ण णिक्कसिजह कण्हुई // 7 // णिस्संते सियाऽमुहरी बुद्धाणं अंतिए सया। अट्ठजुत्ताणि सिक्खिजा, णिरट्ठाणि उ वजए // 8 // अणुसासिओ ण कुपिजा, खंति सेविज पंडिए / खुड्डेहिं सह संसग्गिं, हासं कीडं च वजए // 9 // मा य चंडालियं कासी, बहुयं मा य आलवे / कालेण य अहिज्जित्ता, तओ झाइज एगओ // 10 // आहच्च चंडालियं कट्ट, ण णिण्ह विज कयाइ वि / कडं कडे त्ति भासेजा, अकडं णो कडे त्ति य // 11 // मा गलियस्सेव कसं, वयणमिच्छे पुणो पुणो / कसं व दट्टमाइण्णे, पावगं परिवजए // 12 // अणा वा थूलवया कुसीला, मिउं पि चंडं पकरंति सीसा। चित्ताणुया लहु दक्खोववेया, पसायए ते हु दुरासयं पि // 13 / / णापुट्ठो वागरे किंचि, पुट्ठो वा णालियं वए। कोहं असच्च कुवेजा, धारेजा पियमप्पियं // 14 // अप्पा चेव दमेयन्यो, अप्पा हु खलु दुद्दमो। अप्पा दंतो सुही होइ, अस्सि लोए परत्थ य // 15 // वरं मे अप्पा दंतो, संजमेण तवेण व / माहं परेहि दम्मंतो, बंधणेहिं वहे हि य // 16 // पडिणीयं च बुद्धाणं, वाया अदुव कम्मुणा / आवी वा जइ वा रहस्से, णेव कुजा कयाइ वि ||17|| ण पक्खओ ण पुरओ, णेव किच्चाण पिट्टओ। ण जुंजे ऊरुणा ऊरं, सयणे णो पडिस्सुणे // 18 // व पल्हत्थियं कु.जा, पवखपिंडं च संजए / पाए पसारिए वावि, ण चिढे गुरुणंतिए // 19|| आयरिएहि काहित्तो, सिणीओ ण कयाइ वि।
