________________ 1070 अनंगपविट्ठसुत्ताणि उवसमेण हणे कोहं, माणं मद्दवया जिणे / मायं चजवभावेण, लोभं संतोसओ जिणे // 39 // कोहो य माणो य अणिग्गहीया, माया य लोभो य पवढमाणा। चत्तारि एए कसिणा कसाया, सिंचंति मूलाई पुणब्भवस्स // 40 // राइणिए सु विणयं पउंजे, धुवसीलयं सययं ण हावइजा। कुम्मुव्व अल्लीणपलीणगुत्तो, परकमिजा तवसंजमम्मि // 41 // णिदं च ण बहु मण्णिजा, सप्पहासं विवजए / मिहो कहाहिं ण रमे, सज्झायम्मि रओ सया // 42 // जोगं च समणधम्मम्मि, मुंजे अणलसो धुवं / जुत्तो य समणधम्मम्मि, अटुं लहइ अणुत्तरं // 43 // इहलोगपारत्तहियं, जेणं गच्छइ सुग्गई। बहुसुयं पज्जुवासिजा, पुच्छिजत्थविणिच्छयं // 44 // हत्थं पायं च कायं च, पणिहाय जिइंदिए / अल्लीणगुत्तो णिसिए, सगासे गुरुणो मुणी // 45 // ण पवखओ ण पुरओ, णेव किच्चाण पिट्टओ। ण य ऊरं समासिजा, चिट्ठिजा गुरुणंतिए // 46 // अपुच्छिओ ग भासिजा,,भासमाणस्स अंतरा। पिट्टिमंसं ण खाइजा, मायामोसं विवजए // 47 // अम्पत्तिय जेण सिया, आसु कुप्पिज वा परो / सव्वसो तं ण भासिजा, भासं अहियगामिणिं // 48 // दिटुं मियं असंदिद्धं, पडिपुण्णं वियं जियं / अयंपिरमणुविग्गं, भासं णिसिर अत्तवं // 49 // आयारपण्णत्तिधरं, दिट्ठिवायमहिजगं। वायविक्खलियं णच्चा, ण तं उवहसे मुणी // 50 // णक्खत्तं सुमिणं जोगं, णिमित्तं मंतभेसजं / गिहिणो तं ण आइक्खे, भूयाहिगरणं पयं // 51 // अण्णटुं पगडं लयणं, भइज सयणासणं / उच्चारभूमिसंपण्णं, इत्थीपसुविधज्जियं // 52 // विवित्ता य भवे सिजा, णारीणं ण लवे कहं / गिहिसंथवं ण कुजा, कुजा साहूहिं संथवं // 53 / / जहा कुक्कुडपोयस्स, णिच्चं कुललओ भयं / एवं खु बंभयारिस्स, इत्थीविग्गहओ भयं // 54 // चित्तभित्तिं ण णिज्झाए, णारि वा सुअलंकियं / भक्खरं पिव दळूणं, दिहिँ पडिसमाहरे // 55 // हत्थपायपडिच्छिण्णं, कण्णणासविगप्पियं / अवि वाससयं णारिं, बंभयारी विवजए // 56 // विभूसा इस्थिसंसग्गो, पणीयरसभोयणं / णरस्सत्तगवेसिस्स, विसं तालउडं जहा // 57 / / अंगपच्चंगसंठाणं, चारुल्लवियपेहियं / इत्थीणं तं ण णिज्झाए, कामरागविवणं // 58 // विसएसु मणुण्णेसु, पेमं णाभिणिवेसए / अणिच्चं तेसिं विण्णाय, परिणामं पोग्गलाण य // 59 // पोग्गलाणं परिणाम, तेसिं गच्चा जहा तहा। विणीयतण्हो विहरे, सीईभूएण अप्पणा // 60 // जाइ सद्धाइ णिक्खंतो, परियायट्ठाणमुत्तमं / तमेव अणुपालिजा, गुणे आयरियसम्मए // 61 // तवं चिमं संजम
