________________ दसवेयालियसुत्तं अ. 7 1067 // 26 // अलं पासायखभाणं, तोरणाणि गिहाणि य। पलिहग्गलणावाणं, अलं उदगदोणिणं // 27 // पीढए चंगबेरे य, णंगले मइयं सिया / जंतलट्ठी व णामी वा, गंडिया व अलं सिया // 28 // आसणं सयणं जाणं, हुजा बा किंचुवस्सए / भूओवघाइणिं भासं, णेवं भासिज पण्णवं / / 29 // तहेव गंतुमुजाणं, पत्वयाणि वणाणि य / रुक्खा महल्ल पेहाए, एवं भासिज पंण्णवं // 30 // जाइमंता इमे रुक्खा, दीहवट्टा महालया / पयायसाला विडिमा, वए दरिसणित्ति य // 31 // तहा पलाई पक्काई, पायखजाई णो वए / वेलोइयाइं टालाई, वेहिमाइं ति णो वए // 32 // असंथडा इमे अंबा, बहुणिव्वडिमा फला / वहज बहुसंभूया, भूयरूवत्ति वा पुणो // 33 // तहेवोसहीओ पक्काओ, णीलियाओ छवी इय। लाइमा भन्जिमारत्ति, पिहुरुजत्ति णोवए // 34 // रूढा बहुसंभूया, थिरा ऊसढा वि य / गम्भियाओ, पसूयाओ, संसाराउत्ति आलवे // 35 // तहेव संखडि णच्चा, किच्चं कज्ज ति णो वए / तेणगं वावि वज्झित्ति, सुतिस्थित्ति य आवगा // 36 // संखडि संखडि बूया, पणियत्ति तेणगं / बहुसमाणि तित्थाणि, आवगाणं वियागरे // 37|| तहा णईओ पुण्णाओ, कायतिजत्ति णो वए / णावाहिँ तारिमाउत्ति, पाणि पिजत्ति णो वए // 38 // बहुवाहडा अगाहा, बहुसलिलुप्पिलोदगा। बहुवित्थबोदगा यावि, एवं भासिज पण्णवं / / 39 / / तहेव सावज्जं जोगं, परस्सट्ठाए णिट्टियं / कीरमाणं ति वा णच्चा, सावज्जं णालवे मुणी // 40 // सुकडित्ति सुपक्कित्ति, सुच्छिण्णे सुहडे मडे / सुणिट्टिए सुलट्ठित्ति, सावज्ज वजए मुणी // 41|| पयत्तपक्कत्ति व पकमालवे, पयत्तछित्तिव छिण्णमालवे / पयत्तलट्ठित्ति व कम्महेउयं, पहारगाढत्ति व गाढमालवे // 42 // सव.सं पर वा, अउलं णत्थि एरिसं / अविविक्रयमक्त्तत्वं, अचियत्तं चेव णो वए ॥४३॥"सवयं वइस्सामि, सध्यमेयं” ति णो वए / अगुवाइ सत्वं सत्व थ, एवं भारि ज पण्णवं // 44 // सुक्कीयं वा सुविक्कीयं, अकिज्ज किजमेव वा।"इमं गिण्ह इमं मुंच,पणियं" णो वियागरे // 45 // अप्पन्धे वा महाघ वा, कए वा विव.ए वि वा / पणियटे समुप्पण्णे, अणवज्ज वियागरे // 46 / / तहेवासंजयं धीरो, “आस एहि व.रेहि वा / सयं चिट्ठ वयाहि" त्ति, णेवं भासिज पण्णवं // 47 // बह वे इमे असाहू, लोए बुच्चंति * साहुणो / ण लवे असाहुं साहुत्ति, साहुं साहुत्ति आलवे / / 48 / / णाणदंसणसंपण्णं, गंजमे य तवे रयं / एवं गुणसमाउत्तं, संजयं साहुमालवे // 49 // देवाणं मणुयाणं च, तिरियाणं च बुग्गहे / अमुयाणं जओ होउ, मा वा होउ त्ति णो ए // 50 // वाओ वुटुं व सीउण्हं, खेमं धायं सिवं ति वा / कया णु हुज एयाणि, मा वा होउ
