________________ दसासुयक्खंधो द. 10 1043 यावि भवइ, एवं खलु जाव पडिसुणित्तए // 25 // एवं खलु समणाउसो! मए धम्मे पण्णत्ते, इणमेव णिग्गंथे पावयणे तहेव, जम्स णं धम्मस्स णिग्गंथे वा णिग्गंथी वा सिक्खाए उवट्ठिए विहरमाणे पुरा-दिगिंछाए जाव उदिण्णकामभोगे विहरेजा, से य परक्कमेजा, से य परकममाणे माणुस्सेहिं कामभोगे हिं णिव्वेयं गच्छेजा, माणुस्सगा खलु कामभोगा अधुवा अणितिया असासया सडणपडणविद्धंसणधामा उच्चारपासवणखेल जल्लसिंघाणगवंतपित्तसुक्कसोणियसमुब्भवा दुरूवउस्सासणिस्सासा दुरंतमुत्तपुरीसपुण्णा वंतामवा पित्तासवा खेलासवा (जल्ला०) पच्छा पुरं च णं अवस्सं विप्पजहणिज्जा, संति उर्दू देवा देवलोगसि ते णं तत्थ अण्णेसिं देवाणं देवीओ अभिमुंजिय 2 परियारेति, अप्पणो चेव अप्पाणं विउव्विय २त्ता परियारेंति, अप्पणिज्जियाओ देवीओ अभिमुंजिय 2 परियारेंति, [संति] जइ इमस्स तवणियम जाव तं चेव सव्वं भाणियव्वं जाव वयमवि आगमेस्साणं इमाइं एयारूवाई दिव्वाई भोगभोगाइं भुंजमाणा विहरामो, से तं साहु / एवं खलु समणाउसो ! णिग्गंथो वा णिग्गंथी वा णियाणं किच्चा तस्स टाणस्स अणालोइय अप्पडिवते कालमासे कालं किच्चा अण्णयरेसु देवलोएसु देवत्ताए उववत्तारो भवइ, तंजहा-महिथिए सु महज्जुइएसु जाव पभासमाणे अण्णेसिं देवाणं अण्णं देविं तं चेव जाव परियारेइ से ण ताओ देवलोगाओ आउक्खएणं 3 तं चेव जाव पुमत्ताए पञ्चायाइ जाव किं ते आसगस्स सयइ ? // 26 / / तस्स णं तहप्पगारस्स पुरिसजायम्स तहारूवे समणे वा माहणे वा जाव पडिसुणिजा ? हंता ! पडिसुणिजा, से ण सद्दहेजा पत्तिएजारोएजा? णो इणढे समढे, अभविए णं से तस्स धम्मस्स सद्दहणयाए 3 से य भवइ महिच्छे जाव दाहिणगामिए णेरइए आगमेस्साणं दुल्लभबोहिए यावि भवइ, एवं खलु समणाउसो ! तस्स णियाणस्स इमेयारूवे पावए फलविवागे जंणो संचाएइ केवलिपण्णत्तं धम्म सद्दहित्तए वा पत्तिय इत्तए वा रोइत्तए वा // 27|| एवं खलु समणाउसो! मए धम्मे पण्णत्ते तं चेव, से य परक्कमेजा, ''परक्कममाणे माणुस्सएसु कामभोगेसु णिव्वेयं गच्छेजा, माणुस्सगा खलु कामभोगा अधुवा अणितिया तहेव जाव संति उर्दू देवा देवलोगंसि ते णं तत्थ णो अण्णेसिं देवाणं अण्णं देवि अभिजुजिय 2 परियारेंति, अप्पणो चेव अप्पाणं विउव्वित्ता परियारेति, अप्पणिज्जियाओवि देवीओ अभिमुंजिय 2 परियारेति, जइ इमस्स तवणियम तं चेव सव्वं जाव वयमवि आगमेस्साणं इमाई एयारूवाइं दिव्वाइं भोगभोगाइं भुंजमाणा विहरामो
