________________ 1042 अनंगपविट्ठसुताणि अप्पडिक्कंते जाव अपडिवज्जित्ता कालमासे कालं किच्चा अण्णयरेसु देवलोएसु देवत्ताए उववत्तारो भवइ'",से णं तत्थ देवे भवइ महिड्डिए जाब विहरइ, से णं ताओ देवलोगाओ आउक्खएणं भवक्खएणं जाव अणंतरं चयं चइत्ता अण्णयरं सि कुलंसि दारियत्ताए पच्चायाइ जाव तेणं तं दारियं जाव भारियत्ताए दलयंति, सा णं तस्स भारिया भवइ एगा एगजाया जाव तहेव सव्वं भाणियव्वं, तीसे णं अइजायमाणीए वा णिजायमाणीए वा जाव किं ते आसगस्स सयइ ? // 22 // तीसे णं तहप्पगाराए इत्थियाए तहारूवे समणे वा माहणे वा० धम्म आइक्खेजा ? हंता ! आइक्खेजा, सा णं पडिसुणेजा ? णो इणढे समढे, अभविया णं सा तस्स धम्मस्स सवणयाए, सा य भवइ महिच्छा जाव दाहिणगामिए, णेरइए आगमेस्साणं दुल्लभबोहिया यावि भवइ, एवं खलु समणाउसो ! तस्स णियाणस्स इमेयारूवे पावए फलविवागे जं णो संचाएइ केवलिपण्णत्तं धम्म पडिसुणित्तए // 23 // एवं खलु समणाउसो ! मए धम्मे पण्णत्ते, इणमेव णिग्गंथे पावयणे सच्चे सेसं तं चेव जाव अंतं करेंति, जस्स णं धम्मस्स णिग्गंथी सिखाए उवट्ठिया विहरमाणी पुरा-दिगिंछाए पुरा जाव उदिण्णकामजाया विहरेजा, सा य परकमेजा, सा य परकममाणी पासेजा-जे इमे उग्गपुत्ता महामाउया भोगपुत्ता महामाउया, तेसि णं अण्णयरस्स अइजायमाणस्स वा जाव किं ते आसगस्स सयइ ? ज पासित्ता णिग्गंथी णियाणं करेइ-दुक्खं खलु इत्थित्तणए]त्तं दुस्संचराइं गामंतराइं जाव सण्णिवसंतराइं, से जहाणामए-मंसपेसियाइ वा अंबपेसियाइ वा माउलुंगपेसियाइ वा अंबाडगपेसियाइ वा उच्छुखंडियाइ वा संबलिफलियाइ वा बहुजणस्स आसायणिजा पत्थणिजा पीहणिजा अभिलसणिज्जा एवामेव इत्थियावि बहुजणस्स आसायणिजा जाव अभिलसणिजा, तं दुक्खं खलु इस्थित्तं, पुमत्तणए साहु, जइ इमस्स तवणियम जाव अस्थि वयमवि आगमेस्साणं इमेयारूवाई ओरालाई पुरिसभोगाई भुंजमाणा विहरिस्सामो, से तं साह / एवं खलु समणाउसो! णिग्गंथी णियाणं किच्चा तस्स ठाणस्स अणालोइय अप्पडिक्कंता जाव अपडिबज्जित्ता कालमासे कालं किच्चा अण्णयरेसु देवलोएसु देवत्ताए उववत्तारो भवइ, सा णं तत्थ देवे भवइ महिड्डिए जाव महासुक्खे, सा णं ताओ देवलोगाओ आउक्खएणं 3 अणंतरं चयं चइत्ता जे इमे भवंति उग्गपुत्ता तहेव दारए जाव किं ते आसगस्स सयइ ? // 24 // तस्स णं तहप्पगारस्स पुरिसजायस्स जाव अभविए णं से तस्स धम्मस्स सवणयाए, से य भवइ महिच्छे जाव दाहिणगामिए जाव दुल्लभबोहिए
