________________ दसासुयक्खंधो द. 10 1039 सेणि[य] ओ राया पडिगओ // 9 // तत्थेगइयाणं णिग्गंथाणं णिग्गंथीण य सेणियं राय चेल्लणं च देवि पासित्ताणं इमे एयारूवे अज्झथिए जाव संकप्पे समुप्पज्जिस्था-अहो णं सेणिए राया महिदिए जाब महासुक्खे जे णं ण्हाए कयबलिकम्मेकयकोउयमंगलपायच्छित्ते सव्वालंकारविभूसिए चेलणादेवीए सद्धिं ठरालाई माणुसगाई भोगभोगाई भुंजमाणे विहरइ, ण मे दिट्ठा देवा देवलोगंसि सवखं खलु अयं देवे, जइ इमस्स सुचरि यस्स तवणियमबंभचेरगुत्तिफलवित्तिविसेसे अस्थि तया वयमवि आगमेस्साणं इमाइं ताई उरालाई एयारूवाइं माणुस्सगाई भोगभोगाई में जमाणा विहरामो, से तं साहु // 10 // अहो णं चेल्लणादेवी महिथिया जाव महासुक्खा जा णं व्हाया कयबलिकम्मा कयकोउयमंगलपायच्छित्ता जाव सव्वालंकारविभूसिया सेणिएणं रण्णा सद्धिं उरालाइं माणुस्सगाई भोगभोगाइं भुंजमाणी विहरइ, ण मे दिट्ठाओ देवीओ देवलोगंसि सक्खं खलु अयं देवी, जइ इमस्स सुचरियस्स तवणियमसंजमबंभचेरगुत्तिवासस्स कल्लाणे. पलवित्तिविसेसे अस्थि तया वयमवि आगमिस्साणं इमाइं एंयारूवाई उरालाई जाव विहरामो, से तं साहु[णी] // 11 // अज्जो ! त्ति समणे भगवं महावीरे ते बहवे णिग्गंथा य णिग्गंथीओ य आमंतेत्ता एवं क्यासी-"सेणियं रायं चेलणादेविं पासित्ता तुम्हाणं मणसि इमेयारूवे . अज्झस्थिए जाव समुप्पज्जित्था-अहो णं सेणिए राया महिथिए जाव सेत्तं साहु, अहो णं चेलणादेवी महिड्डिया सुंदरा जाव सेत्तं साहु, से गूणं अज्जो ! अढे समटे ?" हंता ! अस्थि ||12|| एवं खलु समणाउसो ! मए धम्मे पण्णत्ते, इणमेव णिग्गंथे पावयणे सच्चे अणुत्तरे पडिपुण्णे केवले संसुद्धे णेयाउए सलकत्तणे सिद्धिमागे मुत्तिमग्गे णिजाणमग्गे णिव्वाणमन्गे अवितहमविसंदिद्धे सव्वदुक्खप्पहीणमग्गे इत्थं ठिया जीवा सिझंति बुझंति मुच्चंति परिणिव्वायंति सव्वदुक्खाणमंतं क(रं)रेंति - // 13 // जस्त णं धम्मस्स णिग्गंथे सिक्खाए उवट्ठिए विहरमाणे पुरा-दिगिडाए पुरा-पिवासाए पुरा-वायाऽयवेहिं पुरापुढे विरूवरूवेहिं परिसहोवसन्गेहिं उदिण्ण. कामजाए विहरिजा, से य परकमेजा, से य परक्कममाणे पासेजा-जे इमे उन्गपुत्ता महामाउया भोगपुत्ता महामाउया, तेर्सि अण्णयरस्स अइजायमाणस्स णिजायमाणस्स उभओ तेसिं पुरओ महं दासीदासकिंकरकम्मकरपुरिसाणं अं(तो)ते परिक्खित्तं छत्तं भिंगारं गहाय णिगच्छंति॥ 14 // तयाणंतरं च णं पुरओ महाआसा आसवरा उभआ तेसिं णागा णाग-वरा पिट्टओ रहा रहवरा संगल्लि से तं उद्धरिय
