________________ 1040 अनंगपविट्ठसुत्ताणि सेयछत्ते अब्भुग्गयभिंगारे पग्गहियतालियंटे प(वीइय)वियोण सेयचामरा बालवीयणीए अभिक्खणं अभिक्खणं अइजाइ य णिज्जाइ य, सम्पमा सपुव्वावरं च गं हाए कयबलिकम्मे नाव सव्वालंकारविभूसिए महइमहालियाए कूडांगारसालाए महइमहालयंसि सीहासणंसि जाव सन्वराइएणं नोइणा झियायमाणेणं इस्थिगुम्मपरिवुडे महारवे हयणट्टगीयवाइयतीतलताला डियघणमुइंगमद्दलपडप्पवाइयरवेणं उरालाई माणुस्सगाई कामभोगाइं भुंजमाणे विहरइ // 15 // तस्स णं एगमवि आणवेमाणस्स जाव चत्तारि पंच अवुत्ता चेव अब्भुटुंति-भण देवाणुप्पिया ! किं करेमो ? किं आहरेमो ? किं उवणेमो ? किं आविद्धामो ? किं में हियइच्छियं ? किं ते आसगस्स सयइ 1 ज पासित्ता णिग्गंथे णियाण करेइ-जद्द इमस्स तवणियमसंजमबंभचेरवासस्स तं चेव जाव साहु / एवं खल समणाउसो ! णिग्गंथे णियाण किच्चा तस्स ठाणस्स अणालोइय अप्पडिक्कंते कालमासे कालं विचा अण्णयरे देवलोएसु देवत्ताए उववत्तारो भवइ महिहिएसु. जाब चिरटिइए सु, से णं तत्थ देवे भवइ महिडिए जाव चिरटिइए, तओ देवलोगाओ आउक्खएणं भवक्खएणं ठिइक्खएणं अणंतरं चयं चइत्ता जे इमे उग्गपुत्ता महामाउया भोगपुत्ता महामाउया एएसि णं अण्णयरंसि कुलंसि पुत्तत्ताए पचायाइ // 16 // से गं तत्थ दारए भवइ सुकुमालपाणिपाए जाव सुरूवे, तए णं से दारए उम्मुक्कबालभावे विण्णायपरिणय मि]मेत्ते जोव्वणगमणुप्पत्ते सयमेव पेइयं पडिवजइ, तस्स गं अइजायमाणस्स वा० पुरओ जाव मह दासीदास जाव किं ते आसगस्स सयइ ! // 17 // तस्स णं तहप्पगारस्स पुरिसजायस्स तहारूवे समणे वा मोहणे वा उभओ कालं केवलिपण्णत्तं धम्ममाइक्खेजा ? हंता ! आइक्खेजा, से णं पडिसुणेजा ? णो इणढे समढे, अभविए णं से तस्स धम्मस्स सव[णा]णयाए, से य भवइ महिच्छे महारंभे महापरिग्गहे अहम्मिए जाव दाहिणगामी णेरइए भाग(मे)मिस्साणं दुलहबोहिए यावि भवइ, तं एवं खलु समणाउसो ! तस्स णियाणस्स इमेयारूवे पावए फलविवागे जं णो संचाएइ केवलिपण्णत्तं धम्म पडिसुणित्तए // 18 // एवं खलु समणाउसो ! मए धम्मे पण्णत्ते, इणमेव णिग्गंथे पावयणे जाव सव्वदुक्खाणमंतं करेंति, जस्स णं धम्मस्स णिग्गंथी सिक्खाए उवट्ठिया, विहरमाणी पुरा दिगिंछाए जाव उदिण्णकामजाया विहरेजा, सा य परकमेजा, सा य परक्कममाणी पासेजा-से 1 विसेसट्ठा देक्खह सूयगडदोचसुयक्खंधदुइयज्झयणं / 2 सावए त्ति अहो / -
