________________ 1038 अनंगपविट्टसुत्ताणि ता वाहणाई अप्फालेइ 2 त्ता वाहणाई णीणेइ 2 त्ता दूसं पवीगेइ 2 त्ता वाहणाई समलंकरेइ 2 त्ता वरभंडगमंडियाइं करेइ 2 त्ता वाहणाई जाणगं ज एइ 2 त्ता बट्टमग्गं गाहेइ 2 त्ता पओयलहिँ पओयधरे य समं आरोहइ २त्ता अंरासमपयसि जेणेव सेणिए राया तेणेव उवागच्छइ 2 त्ता करयल नाव एवं वयासी-जुत्ते ते सामी ! धम्मिए जाणप्पवरे आइडे भदंतु वग्गूहिँ गाहित्ता // 7 // तए णं सेणिए राया भभसारे जाण सालियम्स अंतिए एयमढे सोच्चा णिसम्म हट्टतुट्ठ जाच मजणघरं अणुप्पविसइ 2 त्ता जाव कप्परक्खे चेव अलंकियविभूसिए परिंदे जाव मजणघराओ पडिणिखमइ 2 त्ता जेणेव चे(चि)लणादेवी तेणेव उवागच्छइ 2 त्ता चेल्ल(ण)णादेवि एवं वयासी-एवं खलु देवाणुप्पिए ! समणे भगवं महावीरे आइगरे तित्थयरे जाव पुव्वाणुपुचि चरमाणे जाव संजमेणं तवसा अप्पाणं भावमाण विहाइ, तं म(हा)हप्फलं देवाणुप्पिए ! तहारूवाणं अर]रिहंताणं जाव तं गच्छामो गं देवाणुप्पिए ! समणं भगवं महावीरं वंदामो णमंसामो सकारेमो स माण्मो कल्लाणं मंगलं देवयं चेइयं पज्जुवासामो, एयं णे इहभवे य परभव य हियाए सुहाए खमाए णिस्से(य)साए जाव अणुगामियत्ताए भविस्सइ / तए णं सा चेल्लणादेवी सेणियस्स रण्णो अंतिए एयम सोचा णिसम्म हट्ठतुट्ठ जाव पडिसुणेइ 2 त्ता जेणेब मजणघरे तेणेव उवागग्छइ 2 त्ता ण्हाया कयबलिकम्मा कयकोउयमंगलपायत्तिा किं ते वरपायपत्तणेउरा मणिमेहलाहाररइयउव चिया कडगखड्डगएगावलिकंठसुत्तमरगवतिसरयवरवलयहेमसुत्तयकुंडल उज्जोवियाणणारयणविभूसियंगी चीणंसुयवत्थपरिहिया दुगुल्लसुकुमालकंतरमणिजउत्तरिजा सव्वोउयसुरभिकुसुमसुंदररइयपलंबसोहणकंतविकसंतचित्तमाला वरचंदणचच्चिया वराभरणविभूसियंगी कालागुरुधूनधूविया सिरिसमाणवेसा बहूहिँ खुजाहिं० चिलाइयाहिं जाव महत्तरगविंदपरिक्वित्ता जेणेव बाहिरिया उवट्ठाणसाला जेणेव सेणिए राया तेणेव उवागच्छइ / तए णं से सेणिए राया चेल्लणादेवीए सद्धिं धम्मियं जाणप्पवरं दुरूहइ 2 त्ता सकोरिटमल्लदामेणं छत्तेणं धरिजमाणेणं उववाइयगमेणं णेयव्वं जाव पज्जुवासइ, एवं चेल्लणादेवी जाव महत्तरगविंदपरिक्खत्ता जेणेव समणे भगवं महावीरे तेणेव उवागच्छइ 2 त्ता समणं भगवं महावीरं वंदइ णमंसइ सेणियं रायं पुरओ काउं ठिइया चेव जाच पज्जुवासइ // 8 // तए णं समण भगवं महावीरे सेणियस्स रण्णो भंभसारस्स चेल्लगादेवीए तीसे य महइमहालियाए परिसाए इसिपरिसाए मुणिपरिसाए मणु(य)स्सपरिसाए देवपरिसाए अणेगसयाए जाव धम्मो कहिओ, परिसा पडिगया,
