________________ 1032 अनंगपविट्ठसुत्ताणि अत्ताए वा जल्लत्ताए वा मलत्ताए वा पंकत्ताए वा विद्धत्थे से कप्पइ गाहावइकुलं भत्ताए वा पाणाए वा णिक्खमित्तए वा पविसित्तए वा // 16|| मासियं णं भिक्खुपडिमं पडिवण्णस्स० णो कप्पइ सीओदगवियडेण वा उसिणोदगवियडेण वा हत्थाणि वा पायाणि वा दंताणि वा अच्छीणि वा मुहं वा उच्छोलित्तए वा पधोइत्तए वा, गण्णत्थ लेवालेवेण वा भत्तमासेण वा // 17 // मासियं णं भिक्खुपडिमं पडिवण्णस्स० णो कप्पइ आसस्स वा हथिस्स वा गोणस्स वा महिसस्स वा कोलसुणगस्स वा सुणस्स वा वग्घस्स वा दुट्ठस्स वा आवयमाणस्स पयमवि पच्चोसक्कित्तए, अदुस्स आवयमाणस्स कप्पइ जुगमित्तं पच्चोसक्कित्तए / 18 / / मासियं णं भिक्खुपडिम पडिवण्णस्स० णो कप्पइ छायाओ सीयंति उण्हं एत्तए, उपहाओ उण्हंति छायं एत्तए। जं जत्थ जया सिया तं तत्थ तया अहियासए // 19 // एवं खलु मासियं भिक्खुपडिमं अहासुत्तं अहाकप्पं अहामग्गं अहातच्चं अहासम्मं कारणं फासित्ता पालित्ता सोहित्ता तीरित्ता किट्टित्ता आराहइत्ता आणाए अणुपा(ले)लित्ता भवइ // 1||20|| दोमासियं णं भिक्खुपडिम पडिवण्णस्स० णिच्चं वोसट्टकाए जाव दो दत्तीओ // 2 // // 21 // तिमासियं तिणि दत्तीओ॥३॥२२॥ चउमासियं चत्तारि दत्तीओ॥४॥ // 23 // पंचमासियं पंच दत्तीओ // 5 // 24 // मांसियं छ दत्तीओ॥६॥२५॥ सत्तमासियं सत्त दत्तीओ // 7 // जेत्तिया मासिया तेत्तिया दत्तीओ // 26 // पढमं सत्तराइंदियं भिक्खुपडिमं पडिवण्णस्सं अणगारस्स णिच्चं वोसट्टकाए जाव अहियासेइ, कप्पड से चउत्थेणं भत्तेणं अपाणएणं बहिया गामस्स वा जाव रायहाणीए वा उत्ताणगस्स वा पासिल्लगस्स वा णेसज्जियस्स वा ठाणं ठाइत्तए, तत्थ दिव्वा वा माणुसा वा तिरिक्खजोणिया वा उवसग्गा समुप्पज्जेजा तेणं उवसग्गा पयलिज वा पवडेज वा णो से कप्पइ पयलित्तए वा पवडित्तए वा, तत्थ णं उच्चारपासवणं उब्बाहिजा णो से कप्पइ उच्चारपासवणं उगिण्हित्तए, कप्पड से पुबपडिलेहियंसि थंडिलंसि उच्चारपासवणं परिढवित्तए, अहाविहिमेव ठाणं ठाइत्तए, एवं खलु एसा पढमा सत्तराइंदिया भिक्खुपडिमा अहासुत्तं जाव आणाए अणुपालित्ता भव // 8 // // 27 // एवं दोच्चा सत्तराईदिया [या]वि णवरं दंडा[य] इयस्स वा लग[डसाइडाइ. यस्स वा उक्कुडुयस्स वा ठाणं ठाइत्तए, सेसं तं चेव जाव अणुपालित्ता भवइ // 9 // // 28 // एवं तच्चा सत्तराइंदियावि, णवरं गोदोहियासणियस्स वा वीरासणियस्सं वा अंबखुजासणियस्स वा ठाणं ठाइत्तए सेसं तं चेव जाव अणुपालित्ताभवइ // 10 // 29 // एवं अहोराइंदियावि, णवरं छटेणं भत्तेणं अपाणएणं बहिया गामस्स वा नाव राय
