________________ दसासुयक्खंधो द. 6 1025 पलोई अहम्मजीवी अहम्मपलजणे अहम्मसीलसमुदायारे अहम्मेणं चेव वित्तिं कप्पेमाणे विहरइ // 2 // "हण छिंद भिंद" विकत्तए लोहियपाणी चंडे रुद्दे खुद्दे अस. मिक्खियकारी साहस्सिए उक्कंचणवंचणमाइणियडिकुडमाई साइसंपओगबहुले दुस्सीले दुष्परिचए दुचरिए दुरणुणेए दुव्वए दुप्पडियाणंदे णिस्सीले णिव्वए णिग्गुणे णिम्मेरे णिप्पच्चक्खाणपोसहोववासे असाहू // 3 // सव्वाओ पाणाइवायाओ अप्पडिविरया जावज्जीवाए जाव सव्वाओ परिग्गहाओ, एवं सव्वाओ कोहाओ सव्वाओ माणाओ सव्वाओ मायाओ सव्वाओ लोभाओ पंजाओ दोसाओ कलहाओ अब्भक्खाणाओ पेसुण्णपरपरिवायाओ अरइरइमायामोसाओ मिच्छादसणसल्लाओ अप्पडिविरिया जावज्जीवाए // 4 // सव्वाओ कसायदंतकट्ठण्हाणमद्दणविलेवणसद्दफरिसरसरूवगंधमलाऽलंकाराओ अप्पडिविरया जावजवाए, सव्वाओ सगडरहजाणजुगगिल्लिथिल्लिसीयासंदमाणियासयणासणजाणवाहणभोयणपवित्थरविहीओ अप्पडिविरया जावज्जीवाए // 5 // असमिक्खियकारी सव्वाओ आसहत्थिगोमहिसाओ गवेलयदासदासकम्मकरपोरुस्साओ अप्पडिविरया जावजवाए, सव्वाओ कयविक्यमासद्धमासरूवगसंववहाराओ अप्पडिविरया नावजवाए,सव्वाओ हिरणसुवण्णधणधण्णमणिमोत्तियसंखसिलप्पवालाओ अप्पडिविरया जावज्जवाए, सव्वाओ कुडतुलकूडमाणाओ. अप्पडिविरया जावज्जीवाए, सव्वाओ आरंभसमारंभाओ अप्पडिविरया जावज्जीवाए, सव्वाओ पयणपयावणाओ अप्पडिविरया जावर्जवाए, सव्वाओ करणकरावणाओ अप्पडिविरया जावज्जीवाए, सव्वाओ कुट्टणपिट्टणाओ तजणतालणाओ वहबंधपरिकिलेसाओ भप्पडिविरया जावज्जीवाए, जेयावण्णे तहप्पगारा सावजा अबोहिया कम्मा कज्जंति परपाणपरियावणकडा]रा कज्जंति तओवि य अप्पडिविरया जावज्जीवाए // 6 // से जहाणामए-केइ पुरिसे कलममसूरतिलमुग्गमासणिप्फावकुलत्थआलिसिंदगजवजवा एवमाइए हिं अयत्ते करे मिच्छादं पउं. बइ एवामेव तहप्पगारे पुरिसजाए तित्तिरवट्टगलावयकवोयकविजलमियमहिसवराहगाहगोहकुम्मसरिसवाइएहिं अयत्ते करे मिच्छादंडं पउंजइ // 7 // जावि य से बाहिरिया परिसा भवइ, तंजहा-दासेइ वा पेसेइ वा भितएइ वा भाइल्लेइ वा कम्मकरेइ वा भोगपुरिसेइ वा तेसिंपि य णं अण्णयरगंसि अहालहुयंसि अवराहसि सयमेव गरुयं दंड वत्तेइ, तंजहा-इमं दंडेह, इमं मुंडेह, इमं तज्जेह, इमं तालेह, इमं अंदुयबंधणं करेह, इमं णियलबंधणं करेह, इमं हडिंबंधणं करेह, इमं चारगबंधणं करेह, इमं णियलजुयलसंकोडियमोडियं करेह, इमं हत्थछिण्णयं करेह, इमं पाय
