________________ 634 अनंगपविट्ठसुत्ताणि णईए दाहिणिल्लेणं कूलेणं पुरथिमं दिसिं मागहतित्थाभिमुहं पयायं पासइ 2 त्ता हट्टतुट्ठ जाव हियए कोडुंबियपुरिसे सद्दावेइ 2 त्ता एवं वयासी-खिप्पामेव भो देवाणुप्पिया ! आभिसेक्कं हत्थिरयणं पडिकप्पेह, हयगयरहपवरजोहकलियं चाउ- . रंगिणिं सेण्ण सण्णाहेह, एयमाणत्तियं पच्चप्षिणह, तए णं ते कोडुंबिय जाव पच्चप्पिणंति, तए णं से भरहे राया जेणेव मजणघरे तेणेव उवागच्छह 2 त्ता मज्जणघरं अणुपविसइ 2 त्ता समुत्तजालाकुलाभिरामे तहेव जाव धवलमहामेहणिग्गए इव जाव ससिव्व पियदंसणे णरवई मजणघराओ पडिणिक्खमइ 2 त्ता हयगयरह-पवरवाहणभडचडगरपहमर-संकुलाए सेणाए पहियकित्ती जेणेव बाहिरिया उवट्ठाणसाला जेणेव आभिसेक्के हत्थिरयणे तेणेव उवागच्छइ 2 त्ता अंजणगिरिकूडसण्णिभं गयवई णवई दुरूढे / तए णं से भरहाहिवे णरिंदे हारोत्थयसुकयरइयवच्छे कुंडलउज्जोइयाणणे मउडदित्तसिरए णरसीहे णरवई णरिंदे णरवसहे मरुयरायवसभकप्पे अब्भहियरायतेयलच्छीए दिप्पमाणे पसत्थमंगलसएहिं संथुव्वमाणे जय 2 सद्दकयालोए हत्थिखंधवरगए सकोरंटमल्लदामेणं छत्तेणं धरिजमाणेणं सेयवरचामराहिं उद्धृव्वमाणीहिं 2 जक्खसहस्ससंपरिबुडे वेसमणे चेव धणवई अमरवइसण्णिभाए इड्डीए पहियकित्ती गंगाए महाणईए दाहिणिल्लेणं कलेणं गामागरणगरखेडकब्बडमडंबदोणमुहपट्टणासमसंबाहसहस्समंडिय थिमियमेइणीयं वसुहं अभिजिणमाणे 2 अग्गाई वराई रयणाई पडिच्छमाणे 2 तं दिव्वं चक्करयणं अणुगच्छमाणे 2 जोयणंतरियाहिं वसहीहिं वसमाणे 2 जेणेव मागहतित्थे तेणेव उवागच्छइ 2 त्ता मागहतित्थस्स अदूरसामंते दुवालसजोयणायाम णवजोयणविच्छिण्णं वरणगरसरिच्छं. विजयखंधावारणिवेसं करेइ 2 त्ता वड्डइरयणं सद्दावेइ सद्दावइत्ता एवं वयासी-खिप्पामेव भो देवाणुप्पिया ! ममं आवासं पोसहसालं च करेहि करेत्ता ममेयमाणत्तियं पच्चप्पिणाहि, तए णं से वड्डइरयणे भरहेणं रण्णा एवं वुत्ते समाणे हट्टतुट्ठचित्तमाणदिए पीइमणे जाव अंजलिं कट्ट एवं सामी तहत्ति आणाए विणएणं वयणं पडिसुणेइ 2 त्ता भरहस्स रण्णो आवसहं पोसहसालं च करेइ 2 त्ता एयमाणत्तियं खिप्पामेव पच्चप्पिणइ, तए णं से भरहे राया आभिसेकाओ हत्थिरयणाओ पच्चोरुहइ 2 त्ता जेणेव पोसहसाला तेणेव उवागच्छइ 2 त्ता पोसहसालं अणुपविसइ 2 त्ता पोसह सालं पमजइ 2 त्ता दब्मसंथारगं संथरइ 2 त्ता दब्भसंथारगं दुलहइ 2 त्ता मागहतित्थकुमारस्स देवस्स अट्ठमभत्तं पगिण्हइ 2 ता पोसहसालाए पोसहिए
