________________ जंबुद्दीवपण्णत्ती व. 3 बंभयारी उम्मुक्कमणिसुवण्णे ववगयमालावण्णगविलेवणे णिक्खित्तसत्थमुसले दन्भसंथारोवगए एगे अबीए अट्ठमभत्तं पडिजागरमाणे 2 विहरइ / तए णं से भरहे राया अट्ठमभत्तंसि परिणममाणंसि पोसहसालाओ पडिणिवखमइ 2 त्ता जेणेव बाहिरिया उवट्ठाणसाला तेणेव उवागच्छइ 2 त्ता कोबुंबियपुरिसे सद्दावेइ 2 त्ता एवं वयासी-खिप्पामेव भो देवाणुप्पिया ! हयगयरहपवरजोहकलियं चाउरंगिणिं सेणं सण्णाहेह चाउग्घंटं आसरहं पडिकप्पेहत्तिकट्ट मजणघरं अणुपविंसइ 2 त्ता समुत्त तहेव जाव धवलमहामेह णिग्गए जाव मजणघराओ पडिणिक्वमइ 2 त्ता हयगयरहपवरवाहण जाव सेणाए पहियकित्ती जेणेव बाहिरिया उवट्ठाणसाला जेणेव चाउघंटे आसरहे तेणेव उवागच्छइ 2 त्ता चाउघंटं आसरहं दुरुढे // 44 // तए णं से भरहे राया चाउग्घंटं आसरहं दुरूढे समाणे हयगयरहपवरजोहकलियाए सद्धिं संपरिवुडे महयाभडचडगरपहगरवंदपरिक्खित्ते चक्करयणदेसियमन्गे अणेगरायवरसहस्साणुयायमग्गे महया उक्किट्ठसीहणायबोलकलकलरवेणं पक्खुभियमहासमुद्दरवभूयं पिव करेमाणे पुरथिमदिसाभिमुहे मागहतित्थेण लवणसमुदं ओगाहइ जाव से रहवरस्स कुप्परा उल्ला, तए णं से भरहे राया तुरगे णिगिण्हइ 2 त्ता रहं ठवेइ 2 त्ता धणुं परामुसई, तए णं तं अइरुग्गयबालचंदइंदधणुसंकासं वरमहिसदरियदप्पियदढघणसिंगरइयसारं उरगवरपवरगवलपवरपरहुयभमरकुलणीलिणिद्धधंतधोयपह णिउणोवियमिसिमिसिंतमणिरयणघंटियाजालपरिक्खित्तं तडितरुणकिरणतवणिजबद्धचिंधं दद्दरमलयगिरिसिहरकेसरचामरवालद्धचंदचिंधं कालहरियरत्तपीयसुकिल्लबहण्हारुणिसंपिणद्धजीवं जीवियंनकरणं चलजीवं धणुं गहिऊण से णरवई उसु च वरवइरकोडियं वइरसारतोंडं कंचणमणिकणगरयणधोइट्ठसुकयपुंखं अणेगमणिरयणविविहसुविरइयणामचिंधं वइसाहं ठाइऊण ठाणं आययकण्णाययं च काऊण उसुमुदारं इमाइं वयणाई तत्थ भाणिअ से णरवई गाहाओ-हंदि सुगंतु भवंतो बाहिरओ खलु सरस्स जे देवा / णागासुरा सुवण्णा तेसिं खु णमो पणिवयामि // 1 // हंदि सुणंतु भवंतो आभिंतरओ सरस्स जे देवा। णागासुरा सुवण्णा सव्वे मे ते विसयवासी // 2 // इतिकट्ट उसु णिसिरइत्ति-परिगरणिगरियमज्झो वारद्ध्यसोभमाणकोसेज्जो। चित्तेण सोभएं धणुवरेण इंदोव्व पच्चक्ख // 3 // तं चंचलायमाणं पंचमिचंदोवमं महाचावं / छजइ वामे हत्थे णरवइणो तंमि विजयंमि॥४||तए णं से सरे भरहेणं रण्णा णिसट्टे समाणे खिप्पामेव दुवालस जोयणाई गंता मागहतित्थाहिवइस्स देवस्स भवणंसि
