________________ 632 अनंगपविद्वसुत्ताणि कल्लाणगपवरमजणविहीए मज्जिए तत्थ कोउयसएहिं बहुविहेहिं कल्लाणगपवरमजणावसाणे पम्हलसुकुमालगंधकासाइयलूहियंगे सरससुरहिगोसीसचंदणाणुलित्तगत्ते अहयसुमहग्घदूसरयणसुसंबुडे सुइमालावण्णगविलेवणे आविद्धमणिसुवण्णे कप्पियहारद्धहारतिसरिया पालंबपलंबमाणकडिसुत्तसुकयसोहे पिणद्धगेविजगअंगुलिजगललियगयललियकयाभरणे णाणामणिकडगतुडियर्थमियभूए अहियसस्सिरीए कुंडलउज्जोइयाणणे मउडदित्तसिरए हारोत्थयसुकयरइयवच्छे पालंबपलंबमाणसुकयपडउत्तरिज्जे मुद्दियापिंगलंगुलीए णाणामणिकणगविमलमहरिहणिउणोअवियमिसिमिसिंतविरइयसुसिलिट्ठविसिट्ठलट्ठसंठियपसत्थआविद्धवीरबलए, किं बहुणा ?, कप्परुक्खए चेव अलंकियविभूसिए णरिंदे सकोरंट जाव चउचामरखालवीइयंगे मंगलजयजयसद्दकयालोए अणेगगणणायगदंडणायग जाव दूयसंधिवालसद्धिं संपरिबुडे धवलमहामेहणिग्गए इव जाव ससिव्व पियदंसणे णरवई धूवपुप्फगंधमल्लहत्थगए मजणघराओ पडिणिस्लमइ 2 त्ता जेणेव आउघरसाला जेणेव चक्करयणे तेणामेव पहारेत्थ गमणाए। तए णं तस्स भरहस्स रण्णो बहवे ईसरपभिइओ अप्पेगइया पउमहत्थगया अप्पेगइया उप्पलहत्थगया० जाव अप्पेगइया सयसहस्सपत्तहत्थगया भरहं रायाणं पिट्ठओ 2 अणुगच्छंति / तए णं तस्स भरहस्स रण्णो बहुईओ गाहा-खुबा चिलाइ वामणिवङभीओ बब्बरी बउसियाओ। जोणियपल्हवियाओ ईसिणियथारुगिणियाओ // 1 // लासियलउसियदमिली सिंहलि तह आरबी पुलिंदी य / पक्कणि बहलि मुरुंडी सबरीओ पारसीओ य॥२॥अप्पेगइया चंदणकलसहत्थगयाओ चंगेरीपुप्फपडलहत्थगयाओ भिंगार-आदंसथाल ' पाइसुपइट्ठग-वायकरगरयणकरंडपुष्पचंगेरी-मल्लवण्णचुण्णगंधहत्थगयाओ वत्थआभरणलोमहत्थय-चंगेरीपुष्फपडलहत्थगयाओ जाव लोमहत्थगयाओ अप्पेगइयाओ सीहासणहत्थगयाओ छत्तचामर हत्थगयाओतेलसमुग्गयहत्थगयाओ तेल्ले कोट्ठसमुग्गे पत्ते चोए य तगरमेला य, हरिआले हिंगुलए मणोसिला सासवसमुग्गे // 1 // अप्पेगइयाओ तालिअंटहत्थगयाओ अप्पेगइयाओ धूवकडुच्छु. अहत्थगयाओ // 2 // भरहं रायाणं पिट्ठओ 2 अणुगच्छंति, तए णं से भरहे राया सव्विडीए सव्वजुईए सव्वबलेणं सव्वसमुदएणं सव्वायरेणं समविभूसाए सव्वविभूईए सव्ववत्थपुष्पगंधमल्लालंकारविभूसाए सव्वतुडियसद्दसण्णिणाएणं महया इड्डीए जाव महया वरतुडियजमगसमगप्पवाइएणं संखपणवपडह-भेरिझल्लरि-खरमुहि-मुरय-मुइंगदुंदुहिणिग्घोसणाइएणं जेणेव आउघरमाला तेणेव उवागच्छइ उवागच्छित्ता आलोए
