________________ जंबुद्दीवपण्णत्ती व. 3 631 पासइ पासित्ता हट्टतुट्ठचित्तमाणंदिए णदिए पीइमणे परमसोमणस्सिए हरिसवसविसप्पमाणहियए जेणामेव दिव्वे चक्करयणे तेणामेव उवागच्छह 2 त्ता तिक्खुत्तो आयाहिणं पयाहिणं करेइ 2 त्ता करयल० जाव कट्टचक्करयणस्स पणामं करेइ 2 त्ता आउड्यरसालाओ पडिणिक्खमइ 2 त्ता जेणामेव बाहिरिया उवट्ठाणसाला जेणामेव भरहे राया तेणामेव उवागच्छइ 2 त्ता करयल जाव जएणं विजएणं वद्धावेइ 2 त्ता एवं वयासी-एवं खलु देवाणुप्पियाणं आउघरसालाए दिव्वे चक्करयणे समुप्पण्णे तं एयणं देवाणुप्पियाणं पियट्टयाए पियं णिवेएमो पियं भे भवउ, तए णं से भरहे राया तस्स आउघरियस्स अंतिए एयमढें सोचा णिसम्म हट्ट० जाव सोमणस्सिए वियसियवरकमलणयणवयणे पयलिअवरकडगतुडिअकेऊरमउडकुंडलहारविरायंतरइअवच्छे पालंबपलंबमाणघोलंतभूसणधरे ससंभमं तुरिअंचवलं णरिंदे सीहासणाओ अन्भुटेइ 2 त्ता पायपीढाओ पच्चोरुहइ 2 ता. पाउआओ ओमुअइ 2 त्ता एगसाडिअं उत्तरासंगं करेइ 2 त्ता अंजलिमलिअग्गहत्थे चक्करयणाभिमुहे सत्तट्ठपयाई अणुगच्छइ 2 त्ता घामं जाणुं अंचेइ 2 त्ता दाहिणं जाणु धरणितलंसि णिहट्ट करयल० जाव अंजलिं कट्ट चक्करयणस्स पणामं करेइ 2 त्ता तस्स आउधरियस्स अहामालियं मउडवज्जं ओमोअं दलइ दलइत्ता विउलं जीवियारिहं पीइदाणं दलइ दलइत्ता सकारेइ सम्माणेइ सम्माणेइत्ता पडिविसज्जेइ, पडिविसज्जेइत्ता सीहासणवरगए पुरथामिमुहे सण्णिसण्णे / तए णं से भरहे राया कोडुंबियपुरिसे सद्दावेइ 2 त्ता एवं वयासी-खिप्पामेव भो देवाणुप्पिया ! विणीयं रायहाणिं सब्भितरबाहिरियं आसियसंमज्जियसिससुइगरत्थंतरवीहियं मंचाइमंचकलियं णाणाविहरागवसणऊसियझयपडागाइपडागमंडियं लाउल्लोइयमहियं गोसीससरसरत्तचंदणकलसं चंदणघडसुकय जाव गंधुडुयाभिरामं सुगंधवरगंधियं गंधवट्टिभूयं करेह कारवेह करेत्ता कारवेत्ता य एयमाणत्तियं पञ्चप्पिणह / तए णं ते कोडुंबियपुरिसा भरहेणं रण्णा एवं वुत्ता समाणा हट्ट० करयल जाव एवं सामित्ति आणाए विणएणं वयणं पडिसुगंति 2 त्ता भरहस्स० अंतियाओ पडिणिक्खमंति २त्ता विणीयं रायहाणिं जाव करेत्ता कारवेत्ताय तमाणत्तियं पच्चप्पिणंति / तए णं से भरहे राया जेणेव मजणघरे तेणेव उवागच्छइ 2 त्ता मजणघरं अणुपविसइ 2 त्ता समुत्तजालाकुलामिरामे विचित्तमणिरयणकुट्टिमतले रमणिज्जे हाणमंडवंसि णाणामणिरयणभत्तिचित्तसि ण्हाणपीटंसि सुहणिसण्णे सुहोदएहि गंधोदएहिं पुष्फोदएहिं सुद्धोदएहि य पुण्णे
