________________ तहओ वक्खारो से केणटेणं भंते ! एवं वुच्चइ-भरहे वासे 2 1 गोयमा ! भरहे णं वासे वेयहस्स पव्वयस्स दाहिणणं चोद्दसुत्तरं जोयणसयं एक्कारस य एगूणवीसइभाए जोयणस्स अबाहाए दाहिणलवणसमुद्दस्स उत्तरेणं चोद्दसुत्तरं जोयणसय एकारसः य एगूणवीसइभाए जोयणस्स अबाहाए गंगाए महाणईए पञ्चत्थिमेण सिंधूए महाणईए पुरस्थिमेणं दाहिणड्डभरहमज्झिल्लतिभागस्स बहुमज्झदेसभाए एत्थ णं विणीया णाम रायहाणी पण्णत्ता, पाईणपडीणायया उदीणदाहिणविच्छिण्णा दुवालसजोयणायामा णवजोयणविच्छिण्णा धणवइमइणिम्माया चामीयरपागारा णाणामणिपंचवण्णकविसीसगपरिमंडियाभिरामा अलकापुरीसंकासा पमुइयपद कीलिया पच्चवखं देवलोगभूया रिद्धिस्थिमियसमिद्धा पमुइयजणजाणवया जाव पडिरूवा // 41 // तत्थ णं दिणीयाए रायहाणीए भरहे णामं राया चाउरंतचक्कवट्टी समुप्पज्जित्था, महयाहिमवंतमहंतमलयमंदर जाव रंजं पसासेमाणे विहरइ / बिइओ गमो रायवष्णरस्स इमो-तत्थ असंखेजकालवासंतरेण उप्पजए जसंसी उत्तमे अभीजाए सत्तवीरियपरकमगुणे पसत्थवण्णसरसारसंघयणतणुगबुद्धिधारणमेहासंठाणसीलप्पर ई पहाणगारवायार इए अणेगवयणप्पहाणे तेयआउबलवीरियजुत्ते अझुसिरघणणिचियलोहसंकलणारायवइरउसहसंघयणदेहधारी झस 1 जुग 2 भिंगार 3 वद्धमाणग 4 भद्दमाणग 5 संख 6 छत्त 7 वीयणि 8 पडाग 9 चक्क 10 णंगल 11 मुसल 12 रह 13 सोत्थिय 14 अंकुस 15 चंदाइच 16-17 अग्गि 18 जूय 19 सागर 20 इंदज्झय 21 पुहवि 22 पउम 23 कुंजर 24 सीहासण 25 दंड 26 कुम्म 27 गिरिवर 28 तुरगवर 29 वरमउड 30 कुंडल 31 गंदावत्त 32 धणु 33 कोंत 34 गागर 35 भवणविमाण. ३६-अणेगलक्खणपसत्थसुविभत्तचित्तकरचरणदेसभाए उड्ढामुहलोमजालसुकुमालणिद्धमउआवत्तपसत्थलोमविरइयसिरिवच्छच्छण्णविउलवच्छे देसखेत्तसुविभत्तदेहधारी तरुणरविरस्सिबोहियवरकमलविबुद्धगब्भवण्णे हयपोसणकोससण्णिभपसत्थपिटुंतणिरुवलेवे पउमुग्यल/दजाइजूहियवरचंपगणागपुष्पसारंगतुल्गंधी छत्तीसाहियपसत्थपत्थिवगुणेहिं जुत्ते अव्वोच्छिण्णायवत्ते पागडउभयजोणी विसुद्धणियगकुलगयणपुण्णचंदे चंदे इव सोमयाए णयणमणणिव्बुइकरे अक्खोभे सागरो व थिमिए धणवइव्व भोगसमुदयसद्दव्वयाए समरे अपराइए परमविक.मगुणे अमरबहसमाणसरिसरूवे मणुयवई भरहचर वट्टी भरहं भुंजइ पणट्ठसत्तू // 42 // तएण तस्स भरहस्स रण्णो अपणया वयाइ आउधरसालाए दिव्वे चकरयणे समुप्पज्जित्था तए णं से आउघरिए भरहस्स रण्णो आउधरसालाए दिव्वं चकरयणं समुसणं
