________________ जंबुद्दीवपण्णत्ती व. 2 626 सए आयारभावपडोयारे भविस्सइ ? गो० ! बहुसमरमणिज्जे भूमिभागे भविस्सइ जाव कित्तिमेहिं चेव अकित्तिमेहिं चेव, तीसे णं भंते ! समाए मणुयाणं केरिसए आयारभावपडोयारे भविस्सइ ? गोयमा! तेसि णं मणुयाणं छविहे संघयणे छविहे संठाणे बहुईओ रयणीओ उड्डे उच्चत्तेणं जहण्णेणं अंतोमुहुत्तं उक्कोसेणं साइरेगं वाससयं आउयं पालहिंति 2 त्ता अप्पेगइया णिरयगामी जाव अप्पेगइया देवगामी,, ण सिझंहिति / तीसे णं समाए एकवीसाए वाससहस्सेहिं काले वीइक्कते अणंतेहिं वण्णपजवेहिं जाव परिवुड्डेमाणे 2 एत्थ णं दुसमसूसमा णामं समाकाले पडिवज्जिस्सइ समणाउसो !, तीसे णं भंते समाए भरहस्स वासस्स केरिसए आयारभावपडोयारे भविस्सइ ? गोयमा ! बहुसमरमणिज्जे जाव अकित्तिमेहिं चेव, तेसि णं भंते! मणुयाणं केरिसए आयारभावपडोयारे भविस्सइ ? गो० ! तेसि णं मणुयाणं छविहे संघयणे छविहे संठाणे बहुइं धणूई उई उच्चत्तण जहण्णेणं अंतोमुहुत्तं उक्कोसेणं पुवकोडीआउयं पालिहिंति 2 त्ता अप्पेगइया णिरयगामी जाव अंतं करेहिति, तीसे णं समाए तओ वंसा समुप्पज्जिस्संति, तं०-तित्थयरवंसे चकवट्टिवंसे दसावंसे, तीसे णं समाए तेवीसं तित्थयरा एक्कारस चक्कवट्टीणव बलदेवा णव वासुदेवा समुप्पज्जिस्संति, तीसे णं समाए सागरोवमकोडाकोडीए बायालीसाए वाससहस्सेहिं ऊणियाए काले वीइक्कते अणंतेहिं वण्णपजवेहिं जाव अणंतगुण परिवुड्डीए परिवुड्ढेमाणे 2 एत्थणं सुसमदूसमा णामं समाकाले पडिवज्जिस्सइ समणाउसो!, सा णं समा तिहा विभजिस्सइ, पढमे तिभागे मज्झिमे तिभागे पच्छिमे तिभागे, तीसे णं भंते ! समाए पढमे तिभाए भरहस्स वासस्स केरिसए आयारभावपडोयारे भविस्सइ ? गोयमा ! बहुसमरमणिज्जे जाव भविस्सइ, मणुयाणं जा चेव ओसप्पिणीए पच्छिमे तिभागे वत्तव्वया सा भाणियव्वा, कुलगरवजा उसभसामिवजा, अण्णे पढंति-तीसे णं समाए पढमे तिभाए इमे पण्णरस कुलगरा समुप्पज्जिस्संति, तंजहा-सुमई. जाव उसमे, सेसं तं चेव, दंडणीईओ पडिलोमाओ णेयवाओ, तीसे णं समाए पढमे तिभाए रायधम्मे जाव धम्मचरणे य वोच्छिज्जिस्सइ, तीसे णं समाए मज्झिमपच्छिमेसु तिभागेसु जा पढममज्झिमेसु वत्तव्वया ओसप्पिणीए सा भाणियव्वा, सुसमा तहेव * सुसमासुसमावि तहेव जाव छव्विहा मणुस्सा अणुसज्जिस्संति जाव सणिच्चारी // 40 // // बीओ वक्खारो समत्तो॥
