________________ अनंगपविट्ठसुत्ताणि तीसे णं भंते ! समाए उत्तमकट्ठपत्ताए भरहस्स वासस्स केरिसए आयारभावपडोयारे भविस्सइ ? गोयमा ! काले भविस्सइ हाहाभूए भंभाभूए कोलाहलभूए समाणुभावेण य खरफरुसधूलिमइला दुव्विसहा वाउला भयंकरा य वाया संवट्टगा य कहिते, इह अभिक्खणं 2 धूमाहिति य दिसा समंता रउस्सला रेणुकलुसतमपडलणिरालोया समयलुक्खयाए णं अहियं चंदा सीयं मोच्छिहिंति अहियं सूरिया तविरसंति, अदुत्तरं च णं गोयमा ! अभिक्खणं 2 अरसमेहा विरसमेहा खारमेहा खत्तमेहा अग्गिमेहा विज्जुमेहा विसमेहा अजवणिज्जोदगा वाहिरोगवेयणोदीरणपरिणामसलिला अमणुण्णपाणियगा चंडाणिलपयतिक्खधार।णिवायपउरं वासं वासि हिति, जेणं भरहे वासे गामागरणगरखेडकब्बडमडंबदोणमुहपट्टणासमगयं जणवेयं चउप्पयगवेलए खहयरे पक्विसं गामारण्णप्पयारणिरए तसे य माणे बहुप्पयारे रुक्खगुच्छगुग्मलयवल्लिपवालंकुरमाइए तणवणस्सइकाइए ओसहीओ य विद्धंसेहिंति पत्वयगिरिडोंगरुत्थलभट्ठिमाइए य वेयडगिरिवज्जे विरावेहिति, सलिलबिलविसमगत्तणिष्णुण्णयाणि य गंगासिंधूवजाइं समीकरोहिंति, तीसे णं भंते ! समाए भरहस्स वासस्स भूमीए केरिसए आयारभावपडोयारे भविस्सइ ? गोयमा ! भूमी भविस्सइ इंगालभूया मुम्मुरभूया छारियभूया तत्तकवेल्लुयभूया तत्ततमजोइभूया धूलिबहुला रेणुबहुला पंकबहुला पणयबहुला चलणिबहुला बहूणं धरणिगोयराणं सत्ताणं दुण्णिकमा यावि भविस्सइ / तीसे णं भंते ! समाए भरहे वासे मणुयाणं केरिसए आयारभावपडोयारे भविस्सइ ? गोयमा ! मणुया भविरसंति दुरूवा दुवण्णा दुगंधा दुरसा दुफासा अणिट्ठा अकंता अप्पिया असुभा अमणुण्णा अमणामा हीणस्सरा दुणस्सरा अणिट्ठस्सरा अकंतस्सरा अप्पियस्सरा अमणुण्णस्सरा अमणामस्सरा अणादेजवयणपञ्चायाया णिलजा कूडकवडकलहबंधवेरणिरया मजायाइक्कमप्यहाणा अकजणिच्छु जया गुरुणिओगविणंयरहिया य विकलरूवा परूढणहकेसमंसुरोमा काला खरफरुससामवण्णा फुट्टसिरा कविलपलियकेसा . बहुण्हारुणिसंपिणद्धदुईसणिजरूवा संकुडियवलीतरंगपरिवेढियंगमंगा जरापरिणयव्वथेरगणरा पविरलपरिसडियदंतसेढी उब्भडघडमुहा विसमणयणवंकणासा वंकवली विगयभेसणमुहा ददुविकिटिभसिन्भफुडियफरुसच्छवी चित्तलंगमंगा कच्छूखसराभिभूया खरतिक्षणक्वकंडूइयविकयतणू टोलगइविसमसंधिबंधणा उक्कडुयट्ठियविभत्तदुब्बलकुसंघयणकुप्पमाणकुसंठिया कुरुवा कुट्ठाणासणकुसेजकुभोइणो असुइणो अणेगवाहिपरिपीलियंगमंगा खलंतविन्भलगई णिरुच्छाहा सत्तपरिवज्जिया विगयचेट्ठा
