________________ जंबुद्दीवपण्णत्ती व.२ 627 णट्टतेया अभिक्खणं 2 सीउण्हखरफरुसवायविज्झडियमलिणपंसुरओगुंडियंगमंगा बहुकोहमाणमायालोमा बहुमोहा असुदुक्खभागी ओसणं धम्मसप्णसम्मत्तपरिभट्ठा उक्कोसेणं रयणिप्पमाणमेत्ता सोलसवीसइवासपरमाउसो बहुपुत्तणत्तुपरियालपणयबहला गंगासिंधूओ महाणईओ वेयई च पव्वयं णीसाए बाकतरि णिगोयवीयं बीयमेत्ता बिलवासिणो मणुया भविस्संति, ते ण भंते ! मणुया किमाहारिस्संति ? गोयमा! तेणं कालेणं तेणं समएणं गंगासिंधूओ महाणईओ रहपहमित्तवित्थराओ अक्खसोयप्पमाणमेत्तं जलं वोज्झिहिंति, सेविय णं जले बहुमच्छकच्छभाइण्णे, णो चेव णं आउबहुले भविस्सइ, तए णं ते मणुया सूरुम्गमणमुहुरा सि य सूरत्थमणमुहुत्तसि य बिलहितो णिद्धाइस्संति बिले० 2 त्ता मच्छकच्छभे थलाई गाहेहिंति मच्छकच्छमे थलाई गाहेत्ता सीयायवतत्तेहिं मच्छकच्छभेहिं इक्कवीसं वाससहस्साइं वित्तिं कप्पेमाणा विहरिस्संति / ते णं भंते ! मणुया णिस्सीला णिव्वया णिग्गुणा णिम्मेरा णिप्पच्चक्खाणपोसहोववासा ओसणं मंसाहारा मच्छाहारा खुड्डाहारा कुणिमाहारा कालमासे कालं किच्चा कहिं गच्छिहिंति कहिं उववज्जिहिति ? गो० ! ओसणं णरगतिरिक्खजोणिएसुं उववज्जिहिति / तीसे णं भंते ! समाए सीहा वग्घा विगा दीविया अच्छा तरच्छा परस्सरा सरभसियालबिरालसुणगा कोलसुणगा ससगा चित्तगा चिल्ललगा ओसण्णं मंसाहारा मच्छाहारा खुद्दाहारा कुणिमाहारा कालमासे कालं किच्चा कहिं गच्छिहिंति कहिं उववज्जिहिंति ? गो० ! ओसण्णं णरगतिरिक्खजोणिएसुं उववज्जिहिंति, ते णं भंते ! ढंका कंका पीलगा मग्गुगा सिही ओसण्णं मंसाहारा जाव कहिं उच्छिहिंति कहिं उववज्जिहिंति ? गोयमा ! ओसण्णं गरगतिरिक्खजोणिएसुं उववज्जिहिंति // 36 // तीसे णं समाए इक्कवीसाए वाससहस्सेहिं काले वीइक्कते आगमिस्साए उस्सप्पिणीए सावणबहुलपडिवए बाल्वकरणंसि अभीइणक्खत्ते चोद्दसपडमसमए अणंतेहिं वण्णपजवेहिं जाव अणंतगुणपरिवुड्डीए परिखुमाणे 2. एत्थ णं दूसमदूसमा णाम समाकाले पडिवज्जिस्सइ समणाउसो ! / तीसे णं भंते ! समाए भरहस्स वासस्स केरिसए आयारभावपडोयारे भविस्सइ ? गोयमा ! काले भविस्सइ हाहाभूए भंभाभूएं एवं सो चेव दूसमदूसमा वेढओ णेयव्यो, तीसे णं समाए एकवीसाए वाससहस्सेहिं काले वीइक्कंते अणंतेहिं वण्णपजवेहिं जाव अणंतगुणपरिखुड्डीए परिखुड्डेमाणे 2 एत्थ णं दूसमा णामं समाकाले पडिवज्जिस्सइ समणासो ! // 37 // तेणं कालेशं तेणं समएणं पुक्खलसंवट्टए णामं महामेहे पाउन्भविस्सइ भरहप्पमाग
