________________ जंबुद्दीवपण्णत्ती व. 2 625 साइं 2 विमाणाई जेणेव साइं 2 भवणाई जेणेव साओ 2 सभाओ सुहम्माओ जेणेव सगासगा माणवगा चेइयखंभा तेणेव उवागच्छंति २त्ता वइरामएसु गोलसमुग्गएसु जिणसकहाओ पक्खिवंति 2 त्ता अग्गेहिं वरेहिं गंधेहि य मल्लेहि य अच्चेति 2 त्ता विउलाई भोगभोगाई भुंजमाणा विहरंति // 33 // तीसे णं समाए दोहिं सागरोवमकोडाकोडीहिं काले वीइक्कते अणंतेहिं वण्णपजवेहिं तहेव जाव अणतेहिं उठाणकम्म जाव परिहायमाणे 2 एत्थ णं दूसमसुसमा णामं समाकाले पडिवज्जिसु समणाउसो !, तीसे णं भंते ! समाए भरहस्स वासस्स केरिसए आयारभावपडोयारे पण्णत्ते ? गोयमा ! बहुसमरमणिज्जे भूमिभागे पण्णत्ते, से जहाणामए-आलिंगपुक्खरेइ वा जाव मणीहिं उवसोभिए, तंजहा-कित्तिमेहिं चेव०, तीसे णं भंते ! समाए भरहे० मणुयाणं केरिसए आयारभावपडोयारे प० ? गोयमा! तेसिं मणुयाणं छविहे संघयणे छविहे संठाणे बहूई धणूइं उर्दू उच्चत्तणं जहण्णेणं अंतोमुहुत्तं उक्कोसेणं पुव्वकोडीआउयं पालेति 2 त्ता अप्पेगइया णिरयगामी जाव देवगामी अप्पेगइया सिझंति बुझंति जाव सव्वदुक्खाणमंतं करेंति, तीसे णं समाए तओ वंसा समुप्पज्जित्था, तंजहा-अरहंतवंसे चक्कवहिवसे दसारवंसे, तसे णं समाए तेवीसं तित्थयरा एक्कारस चकवट्टी णव बलदेवा णव वासुदेवा समुप्पज्जित्था // 34 // तीसे णं समाए एक्काए सागरोवमकोडाकोडीए बायालीसाए वाससहस्सेहिं ऊणियाए काले वीइक्कते अणंतेहिं वण्णपज्जवेहिं तहेव जाव परिहाणीए परिहायमाणे 2 एत्थ णं दूसमा णामं समाकाले पडिवज्जिस्सइ समणाउसो !, तीसे णं भंते ! समाए भरहस्स वासस्स केरिसए आयारभावपडोयारे भविस्सइ ? गोयमा ! बहुसमरमणिज्जे भूमिभागे भविस्सइ से जहाणामए-आलिंगपुक्खरेइ वा मुइंगपुक्खरेइ वा जाव णाणामणिपंचवण्णेहिं कित्तिमेहिं चेव अकित्तिमेहिं चेव, तीसे गं भंते ! समाए भरहस्स वासस्स मणुयाणं केरिसए आयारभावपडोयारे पण्णत्ते ? गो० ! तेसिं मणयाणं छविहे संघयणे छविहे संठाणे बहुईओ रयणीओ उड्ढे उच्चत्तेणं जहण्णेणं अंतोमुहुत्तं उक्कोसेणं साइरेगं वाससयं आउयं पालेति 2 त्ता अप्पेगइया णिरयगामी जाव सव्वदुक्खाणमंतं करेंति, तीसे णं समाए पच्छिमे तिभागे गणधम्मे पासंडधम्मे रायधम्मे जायतेए धम्मचरणे य वोच्छिज्जिस्सइ // 35 // तीसे णं समाए एकवीसाए वाससहस्सेहिं काले वीइक्कंते अणंतेहिं वण्णपजवेहिं गंध० रस० फासपजवेहिं जाव परिहायमाणे 2 एत्थ णं दूसमदूसमा णामं समाकाले पडिवज्जिस्सइ समणाउसो !,
