________________ 624 अनंगपविट्ठसुत्ताणि . सक्के देविंदे देवराया ! वाउकुमारे देवे सद्दावेइ 2 त्ता एवं वयासी-खिप्पामेव भो देवाणुप्पिया ! तित्थगरचिइगाए जाव अणगारचिहगाए वाउक्कायं विउव्वह 2 अगणिकायं उजालेह तित्थगरसरीरगं गणहरसरीरगाइं अणगारंसरीरगाइं च झामेह, तए ण ते वाउकुमारादेवा विमणा णिराणंदा अंसुपुण्णणयणा तित्थगरचिइगाए जाव विउव्वंति अगणिकायं उजालेति तित्थगरसरीरगं जाव अणगारसरीरागाणि य झामेंति। तए णं से सक्के देविंदे देवराया ते बहवे भवणवइ जाव वेमाणिए देवे एवं वयासीखिप्पामेव भो देवाणुप्पिया!तित्थगरचिइगाए जाव अणगारचिइगाए अगुरुतुरुक्कघयमहुं च कुंभग्गसो य भारम्गसो य साहरह / तए णं ते भवणवइ जाव तित्थगरचिइगाए जाव भारग्गसो य साहरंति। तए णं से सक्के देविदे देवराया मेहकुमार देवे सद्दावेइ 2 त्ता एवं वयासी-खिप्पामेव भो देवाणुप्पिया ! तित्थगरचिइंगं जाव अणगारचिइंगं च खीरोदएणं णिव्वावेह / तए णं तें मेहकुमारा देवा तित्थगरचिहगं जाव णिव्वावेति / तए णं से सक्के देविंदे देवराया भगवओ तित्थगरस्स उवरिल्लं दाहिणं सकहं गेण्हइ, ईसाणे देविंदे देवराया उवरिल्लं वामं सकहं गेण्हइ, चमरे असुरिंदे असुरराया हिट्ठिल्लं दाहिणं सकहं गेण्हइ, बली वइरोअणिंदे वइरोअणराया हिट्ठिल्लं वाम सकहं गेण्हइ, अवसेसा भवणवइ जाव वेमाणिया देवा जहारिहं अवसेसाई अंगुवगाई केइ जिणभत्तीए केइजीअमेयं तिकट्ट केइ धम्मो तिकट्ट गेहंति / तए णं से सक्के देविंदे देवराया बहवे भवणवइ जाव वेमाणिए देवे जहारिहं एवं वयासी-खिप्यामेव भो देवाणुप्पिया! सबरयणामए महइमहालए तओ चेइयथूभे करेह, एगं भगवओ तित्थगरस्स चिइगाए एगं गणहरचिइगाए एगं अवसेसाणं अणगाराणं चिइगाए, तए णं ते बहवे जाव करेंति / तए णं ते बहवे भवणवइ जाव वेमाणिया देवा तित्थगरस्स परिणिव्वाणमहिमं करेंति 2 त्ता जेणेव णंदीसरवरे दीवे तेणेव उवागच्छति / तए णं से सक्के देविंदे पुरथिमिल्ले अंजणगपव्वए अट्ठाहिअं महामहिम करेंति / तए णं सक्कस्स देविंदस्स चत्तारि लोगपाला चउसु दहिमुहगपव्वएसु अट्ठाहिअं महामहिमं करेंति, ईसाणे देविंदे देवराया उत्तरिल्ले अंजणगपव्वए अट्ठाहिअं महामहिमं करेंति, तस्स लोगपाला चउसु दहिमुहगपव्वएसु अट्ठाहिअं महामहिमं करेंति, चमरोअ दाहिणिल्ले अंजणगे तस्स लोगपाला चउसु दहिमुहगपव्वएसु बली पचत्थिमिल्ले अंजणगे, तस्स लोगपाला दहिमुहगेसु पव्वएसु तए णं ते बहवे भवणवइ वाणमंतर जाव अट्ठाहियाओ महामहिमाओ करेंति 2 त्ता जेणेव
