________________ जंबुद्दीवपण्णत्ती व. 2 623 एइ 2 त्ता जहा सक्के णियगपरिवारेणं भाणेयव्यो जाव पज्जुवासइ एवं सव्वे देविंदा जाव अच्चुए णियगपरिवारेणं आणेयव्वा, एवं जाव भवणवासीणं वीस इंदा वाणमंतराणं सोलस जोइसियाणं दोण्णि णियगपरिवारा णेयव्वा / तए णं सक्के देविंदे देवराया ते बहवे भवणवइवाणमंतरजोइसवेमाणिए देवे एवं वयासी-खिप्पामेव भो देवाणुप्पिया ! गंदणवणाओ सरसाइं गोसीसवरचंदणकट्ठाई साहरइ 2 त्ता तओ चिइगाओ रएह एगं भगवओ तित्थगरस्स एगं गणहराणं एगं अवसेसाणं अणगाराणं / तए ण ते० भवणवइ जाव वेमाणिया देवा गंदणवणाओ सरसाइं गोसीसवरचंदणकट्ठाई साहरंति 2 त्ता तओ चिइगाओ रएंति, एगं भगवओ तित्थगरस्स एगं गणहराणं एगं अवसेसाणं अणगाराणं, तए णं से सक्के देविंदे देवराया आभिओगे देवे सद्दावेइ 2 त्ता एवं वयासी-खिप्पामेव भो देवाणुप्पिया ! खीरोदगसमुद्दाओ खीरोदगं साहरह तए णं ते आभिओगा देवा खीरोदगसमुद्दाओ खीरोदगं साहरंति, तए णं से सक्के देविंदे देवराया तित्थगरसरीरगं खीरोदगेणं ण्हाणेइ 2 त्ता सरसेणं गोसीसवरचंदणेणं अणुलिंपइ 2 त्ता हंसलक्खणं पडसाडयं णियंसेइ 2 ता सव्वालंकारविभूसियं करेई, तए णं ते० भवणवइ जाव वेमाणिया० गणहरसरीरगाई अणगारसरीरगाइंपि खीरोदगेणं ण्हावेति 2 त्ता सरसेणं गोसीसवरचंदणेणं अशुलिंपंति 2 त्ता अहताई दिव्वाई देवदूसजुयलाई णियंसेंति 2 त्ता सव्वालंकारविभूसियाइं करेंति, तए णं से सक्के देविंदे देवराया ते बहवे भवणवइ जाव वेमाणिए देवे एवं वयासी-खिप्पामेव भो देवाणुप्पिया ! ईहामिगउसभतुरय जाव वणलयभत्तिचित्ताओ तओ सिवियाओ विउव्वह, एगं भगवओ तित्थगरस्स एगं गणहराणं एग अवसेसाणं अणगाराणं, तए णं ते बहवे भवणवइ जाव वेमाणिया० तओ सिवियाओ विउव्वंति, एगं भगवओ तित्थगरस्स एगं गणहराणं एगं अवसेसाणं अणगाराणं, तए णं से सक्के देविदे देवराया विमणे णिराणंदे अंसुपुण्णणयणे भगवओ तित्थगरस्स विणट्ठजम्मजरामरणस्स सरीरगं सीयं आरुहेइ 2 चिइगाए ठवेइ, तए णं ते बहवे भवणवइ जाव वेमाणिया देवा गणहराणं अणगाराण य विण?जम्मजरामरणाणं सरीरगाइं सीय आरहेति 2 त्ता चिइगाए टवेंति, तए णं से सक्के देविंदे देवराया अग्गिकुमारे देवे सद्दावेइ 2 त्ता एवं वयासी-खिप्पामेव भो देवाणुप्पिया ! तित्थगरचिइगाए जाव अणगारचिइगाए अगणिकायं विउव्वह 2 त्ता एयमाणत्तिय पञ्चप्पिणह, तए णं ते अम्गिकुमारा देवा विमणा णिराणंदा अंसुपुण्णणयणा तित्थगरचिइगाए जाव अणगारचिहगाए अगणिकायं विउव्वंति, तए णं से
