________________ 622 अनंगपविट्ठसुत्ताणि संठिए पंच धणुसयाइं उढे उच्चत्तण होत्था / उसभे णं अरहा० वीसं पुव्वसयसहस्साई कुमारवासमझे वसित्ता तेवदि पुन्वसयसहस्साई महारजवासमझे वसित्ता तेसीइं पुव्वसयसहस्साई अगारवासमझे वसित्ता मुंडे भवित्ता अगाराओ अणगारियं पवइए, उसमे णं अरहा० एणं वाससहस्सं छउमत्थपरियायं पाउणित्ता एगं पुव्यसयसहस्सं वाससहस्सूणं केवलिपरियायं पाउणित्ता एगं पुव्वसयसहस्सं बहुपडि पुष्णं सामण्णपरियायं पाउणित्ता चउरासीइं पुव्वसयसहस्साइं सव्वाउयं पालइत्ता जे से हेमंताणं तच्चे मासे पंचमे पक्खे माहबहुले तस्स णं माहबहुलस्स तेरसीपक्खेणं दसहिं अणगारसहस्सेहिं सद्धिं संपरिवुड़े अट्ठावयसेलसिहरंसि चोद्दसमेणं भत्तेणं अपाणएणं संपलियंकणिसण्णे पुवण्हकालसमयंसि अभीइणा णक्खत्तण जोगमुवा-. गएणं सुसमदूसमाए समाए एगूणणवउईहिं पक्खेहिं सेसेहि कालगए वीइक्कते जाव सव्वदुक्खप्पहीणे / जं समयं च णं उसमे अरहा कोसलिए कालगए वीइक्कंते समुजाए छिण्णजाइजरामरणबंधणे सिद्ध बुद्धे जाव सव्वदुक्खप्पहीपणे तं समयं च णं सक्कस्स देविंदस्स देवरण्णो आसणे चलिए, तए णं से सक्के देविदे देवराया आसणं चलियं पासइ पासित्ता ओहिं पउंजइ 2 ला भयवं तित्थयरं ओहिणा आभोएइ 2 त्ता एवं वयासी-परिणिन्बुए खलु जंबुद्दीवे दीवे भरहे वासे उसहे अरहा कोसलिए, तं जीयमेयं तीयपच्चुप्पण्णमगागयाणं सक्काणं देविंदाणं देवराईणं तित्थगराणं परिणिव्वाणमहिमं करेत्तए, तं गच्छामि णं अहंपि भगवओ तित्थगरस्स परिणिव्वाणमहिम करेमित्तिकदृ वंदइ णमंसइ बं० २त्ता चउरासीईए सामाणियसाहस्सीहिं तायत्तीसाए तायत्तीसएहिँ चउहिं लोगपालेहिं जाव चउहिँ चउरासीईहिं आयरक्खदेवसाहस्सीहिं अण्णेहि य बहहिं सोहम्मकप्पवासीहिं वेमाणिएहिं देवेहिं देवीहि य सद्धिं संपरिबुडे ताए उक्किट्ठाए जाव तिरियमसंखेजाणं दीवसमुद्दाणं मझमझेणं जेणेव अट्ठावयपव्वंए जेणेव भगवओ तित्थगरस्स सरीरए तेणेव उवागच्छइ उवागच्छित्ता विमणे णिराणंदे अंसुपुण्णणयणे तित्थयर सरीरयं तिक्खुत्तो आयाहिणं पयाहिणं करेइ 2 त्ता णञ्चासण्णे णाइदूरे सुस्सूसमाणे जाव पज्जुवासइ / तेणं कालेणं तेणं समएणं ईसाणे देविदे देवराया उत्तरड्डलोगाहिवई अट्ठावीसविमाणसयसहस्साहिबई सूलपाणी वसहवाहणे सुरिंदे अरयंबरवत्थधरे जाव विउलाई भोगभोगाइं भुंजमाणे विहरइ, तए णं तस्स ईसाणस्त देविंदस्स देवरण्णो आसणं चलइ, तए णं से ईसाणे .जाव देवराया आसणं चलियं पासइ 2 त्ता ओहिं पउंजइ 2 त्ता भगवं तित्थगरं ओहिणा आभो
