________________ - जंबुद्दीवपण्णत्ती व. 2 . तराए भावे जाणमाणे पासमाणे एस खलु मोक्खमम्मे मम अण्णेसिं च जीवाणं हियसुहणिस्सेसकरे सव्वदुक्खविमोक्खणे परमसुहसमाणणे भविस्सइ / तए णं से भगवं समणाणं णिगंथाण य णिगंथीण य पंच महव्वयाई सभावणगाई छच्च जीवणिकाए धम्मं देसमाणे विहरइ, तंजहा-पुढविकाइए भावणागमेणं पंच महव्वयाई सभावणगाइं भाणियव्वाई। उसभस्स णं अरहओ कोसलियस्स चउरासी गणहरा होत्था, उसभस्स णं अरहओ कोसलियस्स उसभसेणपामोक्खाओ चुलसीइं समणसाहस्सीओ उक्कोसिया समणसंपया होत्था, उसभस्स णं० बंभीसुंदरीपामोक्खाओ तिण्णि अज्जियासयसाहस्सीओ उक्कोसिया अज्जियासंपया होत्था, उसभस्स णं० सेज्जंसपामोक्खाओ तिण्णिः समणोवासगसयसाहस्सीओ पंच य साहस्सीओ उक्कोसिया समणोवासगसंपया होत्था, उसमस्स णं० सुभद्दापामोक्खाओ पंच समणोवासियासयसाहस्सीओ चउपण्णं च सहस्सा उनकोसिया समणोवासियासंपया होत्था, उसभस्स णं अरहओ कोसलियस्स अजिणाणं जिणसंकासाणं. सव्वक्खरसण्णिवाईणं जिणो विव अवितहं धागरमाणाणं चत्तारि चउद्दसपुव्वीसहस्सा अट्ठमा य सया उक्कोसिया चउदसपुव्वीसंपया होत्था, उसभस्स णं० णव ओहिणाणिसहस्सा उक्कोसिया०, उसभस्स णं० वीसं जिणसहस्सा० वीसं वेउव्वियसहस्सा छच्च सया उक्कोसिया० बारस विउलमईसहस्सा छच्च सया पण्णासा० बारस वाईसहस्सा छच्च सया पण्णासा०, उसभस्स,णं० गइकल्लाणाणं ठिइकल्लाणाणं आगमेसिभदाणं बावीसं अणुत्तरोववाइयाणं सहस्सा णव य सया०, उसभस्स णं० वीसं समणसहस्सा सिद्धा, चत्तालीसं अज्जियासहस्सा सिद्धा, सष्टुिं अंतेवासीसहस्सा सिद्धा, उसभस्स णं अरहओ० बहवे अंतेवासी अणगारा भगवंतो अप्पेगइया मासपरियाया जहा उववाइए सव्वओ अणगारखण्णओ जाव उड्डेजाणू अहोसिरा झाणकोट्ठोवगया संजमेणं तवसा अप्पाणं भावेमाणा विहरंति, उसभस्स णं अरहओ० दुविहा अंतकरभूमी होत्था, तंजहा-जुगंतकरभूमी य परियायतकरभूमी य, जुगंतकरभूमी जाव असंखेजाइं पुरिसजुगाई, परियायंतकरभूमी अंतोमुहुत्तपरियाए अंतमकासी // 31 // उसमे णं अरहा० पंचउत्तरासाढे अभीइण्ढे होत्था, तंजहा-उत्तरासाढाहिँ चुए चइत्ता गम्भं वक्ते उत्तरासाढाहिं जाए उत्तरासादाहिं रायाभिसेयं पत्ते उत्तरासाढाहिं मुंडे भवित्ता अगाराओ अणगारियं पव्वइए उत्तरासादाहिँ अणंते जाव समुप्पण्णे, अमीइणा परिणिव्बुए // 32 // उसमे णं अरहा कोसलिए वरिसहणारायसंघयणे समचउरंससंठाण
