________________ बिहक्कप्पसुत्तं उ. 4 933 णो वियरेजा, एवं से णो कप्पइ अण्णं आयरियउवज्झायं उद्दिसावेत्तए; णो से कम्पइ तेसिं कारणं अदीवेत्ता अण्णं आयरियउवज्झायं उद्दिसावेत्तए, कप्पइ से तेसि कारणं दीवेत्ता अण्णं आयरियउवज्झायं उद्दिसावेत्तए // 27 // आयरियउवज्झाए य इच्छेज्जा अण्णं आयरियउवज्झायं उद्दिसावेत्तए, णो से कप्पइ आयरिय उवज्झायत्तं अणिक्खिवित्ता अण्णं आयरिय उवज्झायं उद्दिसावित्तए, कप्पइ से आयरिय उवज्झायत्तं णिखिवित्ता अण्णं आयरिय उवझायं उद्दिसावित्तए, णो से कम्पइ अणापुच्छित्ता आयरियं वा जाव गणावच्छे इयं वा अण्णं आयरियउवच्झायं उद्दिसावेत्तए; कम्पइ से आपुच्छित्ता आयरियं वा जाव गणावच्छे इयं वा अणं आयरियउवज्झायं उद्दिसावेत्तए, ते य से वियरेजा, एवं से कप्पइ अण्णं आयरियउवज्झायं उद्दिसावेत्तए; ते य से णो वियरेजा, एवं से णो कप्पइ अण्णं आयरियउवज्झायं उद्दिसावेत्तए; णो से कप्पइ तेसिं कारणं अदीवेत्ता अण्णं आयरियउवज्झायं उद्दिसावेत्तए, कप्पइ से तेसिं कारणं दीवेत्ता अण्णं आयरियउवज्झायं उद्दिसावेत्तए // 28 // भिक्खू य राओ वा वियाले वा आहच्च वीसुभिजा, तं च सरीरंग केइ वेयावच्चकरे भिक्खू इच्छे जा एगंते बहुफासुए (पएसे ) थण्डिले परिद्ववेत्तए, अस्थि या इत्थ केइ सागारियसंतिए उवगरणजाए अचित्ते परिहरणारिहे, कप्पइ से सागारियकडं गहाय तं सरीरंग एगते बहुफासुए थण्डिले परिदृवेत्ता तत्थेव उवणिक्खेवियव्वे सिया // 29 // भिक्खू य अहिगरणं कट्ट तं अहिगरणं अविओसवेत्ता-णो से कप्पइ गाहावइबुलं भत्ताए वा पाणाए वा णिक्खमित्तए वा पविसित्तए वा, णो से कप्पइ बहिया वियारभूमि वा विहारभूमि वा णिक्खमित्तए वा पविसित्तए वा, णो से कप्पइ गामाणुगामं वा दूइज्जित्तए, गणाओ वा गणं संकमित्तए वासावासं वा वत्थए, जत्थेव अप्पणो आयरियत्वज्झायं. पासेजा बहुस्सुयं बब्भागमं, कप्पइ से तसंतिए आलोइजा पडिक्क मिजा जिंदिजा गरहिज्जा विउट्टिजा विसोहिजा अकरणाए अनमुट्टित्तए अहारिहं तवोकामं पायच्छित्तं पडिवज्जिजा, से य सुएणं पट्टविए आइयव्वे सिया, से य सुएणं णो पट्टविए णो आइ. यव्वे सिया, से य सुएणं पट्टविजमाणे णो आइयइ, से णिज्जहियत्वे सिया // 30 // परिहारकप्पट्ठियस्स. णं भिवखुस्स कप्पइ आयरियउवच्झाएणं तद्दिवसं एर.गिहंसि पिण्डवायं दवावित्तए, तेण परं णो से कप्पइ असणं वा 4 दाउं वा अणुप्पदाउं वा कप्पइ से अण्णयरं वेयावडियं करेत्तए, तंजहा—उट्ठावणं वा (अणुट्ठावणं वा)
