________________ 934 . अनंगपविट्ठसुत्ताणि णिसीयावणं का तुयट्टावणं वा, उच्चारपासवणखेलजल्लसिंघाणविगिचणं वा विसोहणं वा करेत्तए, अह पुण एवं जाणेजा-छिण्णावाएसु पंथेसु आउरे झिंझिए पिंवासिए तवस्सी दुबले किलंते मुच्छिज वा पवडिज वा, एवं से कप्पइ असणं वा 4 दाउं वा अणुप्पदाउं वा // 31 // णो कप्पइ णिगंथाण वा णिगंथीण वा इमाओ पंच महण्णवाओ महाणईओ उद्दिट्टाओ गणियाओ जियाओ अंतो मासस्स दुक्खुत्तो वा तिक्खुत्तो का उत्तरित्तए वा संतरित्तए वा, तंजहा-गंगा नउणा सरयू कोसिया मी, अह पुण एवं जाणेजा-एरवई कुणालाए-जत्थ चक्किया एगं पायं जले किच्चा एगं पायं थले किच्चा; एवं से कप्पड अंतो मासस्स दुक्खुत्तो वा तिक्खुत्तो वा उत्तरित्तए वा संतरित्तए वा, जत्थ णो एवं चक्किया, एवं से णो कप्पइ अंतो मासस्स दुक्खुत्तो वा तिक्खुत्तो वा उत्तरित्तए वा संतरित्तए वा // 32 // से तणेसु वा तणपुंजेसु वा पलालेसु वा पलालपुंजेसु वा अप्पण्डेसु. अप्पपाणेसु अप्पर्बएसु अप्पहरिएसु अप्पुस्सेसु अप्पुत्तिंगपणगदगमट्टिय-मकडगसंताणएसु अहेसवणमायाए णो कप्पइ णिग्गंथाण वा णिग्गंथीण वा तहप्पगारे उवस्सए हेमंतगिम्हासु वत्थए // 33 // से तणेसु वा जाव संताणए, उप्पिंसवणमायाए कप्पइ णिग्गंथाण वा णिग्गंथीण वा तहप्पगारे उपस्सए हेमंतगिम्हासु बत्थए / // 34 // से तणेसु वा जाव संताणएसु अहेरयणिमुक्कमउडेमु णो कप्पइ णिग्गंथाण बा णिग्गंथीण वा तहप्पगारे उवस्सए वासावासं वत्थए // 35 // से लणेसु वा जाव संताणएसु उप्पिरयणिमुक्कम उडेसु कापइ णिग्गंथाण वा णिग्गंथीण वा तहप्पगारे उवस्सए वासावासं वत्थए // 36 // त्ति-बेमि // बिहक्कप्पे चउत्थो उद्देसओ समत्तो॥४॥ पंचमो उद्देसओ देवे य इथिरुवं विउव्वित्ता णिग्गंथं पडिग्गाहेजा, तं च णिग्गंथे साइज्जेजा; मेहुणपडिसेवणपत्ते आवजह चाउम्मासियं परिहाणहाणं अणुग्घाइयं // 1 // देवे य पुरिसरूवं विउवित्ता णिग्गंथि पडिग्गाहेजा, तं च णिग्गंथी साइज्जेजा, मेहुणपडिसेवणपत्ता आवजइ चाउम्मासियं परिहारट्ठाणं अणुचाइयं // 2 // देवी य इत्थिरूवं विउवित्ता णिग्गंथं पडिग्गाहेजा, तं च णिग्गंथे साइज्जेजा, मेहुणपडिसेवणपत्ते आवजइ चाउम्मासियं परिहारहाणं अणुग्धाइयं // 3 // देवी य पुरिसरूवं विउव्वित्ता णिग्गंथि पडिग्गाहेजा, तं च णिग्गंथी साइज्जेजा, मेहुण
