________________ 882 अनंगपबिढसुत्ताणि जाव दब्भसंथारोवगए विहरइ / तए णं तस्स णिसदस्स कुमारस्स पुव्वरत्तावरत्तकालसमयंसि धम्मजागरियं जागरमाणस्स इमेयासवे अज्झत्थिए जाव समुप्पज्जित्थाधण्णा णं ते गामागर जाव संणिवेसा जत्थ णं अरहा अरिट्ठणेमी विहरइ, धण्णा णं ते राईसर जाव सत्यवाहप्पमिइओ जे ण अरिट्ठणेमिं वंदंति णमंसंति जाव पज्जुवासंति, जह णं अरहा अरिट्ठणेमी पुवाणुपुबिणंदणवणे विहरेज्जा तो णं अहं अरहं अरिडणेमि वंदिज्जा जाव पज्जुवासिज्जा // 176 // तए णं अरहा अरिडणेमी णिसढस्स कुमारस्स अयमेयारूवमज्झत्थियं जाव वियाणित्ता अहारसहिं समणसहस्सेहिं जाव णदंणवणे उजाणे समोसढे / परिसा णिग्गया। तए णं णिसढे कुमारे इमीसे कहाए लद्धढे समाणे हट्ट० चाउघण्टेणं आसरहेणं णिग्गए जहा जमाली जावं अम्मापियरो आपुच्छित्ता पव्वइए अणगारे जाए जाव गुत्तबम्भयारी॥१७७|| तए णं से णिसढे अणगारे अरहओ अरिहणेमिस्स तहारूवाणं थेराणं अंतिए सामाइयमाइयाई एकारस अंगाई अहिजइ' २त्ता बहूहिँ चउत्थट्ट जाव विचित्तेहिं तवोकम्मे हिँ अप्पाणं भावेमाणे बहुपडिपुण्णाई णव वासाइं सामण्णपरियागं पाउणइ 2 त्ता बायालीसं भत्ताई अणसणाए छेएइ, आलोइयपडिक्कंते समाहि पत्ते आणुपुव्वीए कालगए // 178 // तए णं से वरदत्ते अणगारे णिसढं अणगारं वालगयं जाणित्ता जेणेव अरहा अरिट्ठणेमी तेणेव उवागच्छई 2 त्ता जाव एवं वयासी-एवं खलु देवाणुप्पियाणं अंतेवासी णिसढे णामं अणगारे पगइभद्दए जाव विणीए, से णं भंते ! णिसढे अणगारे कालमासे कालं किच्चा कहिं गए कहिं उववष्णे ||179 // वरदत्ताइ अरहा अरिट्ठणेमी वरदत्तं अणगारं एवं बयासी-एवं खलु वरदत्ता ! ममं अंतेवासी णिसढे णामं अणगारे पगइभद्दे जाव विणीए ममं तहारूवाणं थेराणं अंतिए सामाइयमाइयाई एक्कारस अंगाई अहिज्जित्ता बहुपडिपुण्णाई णव वासाइं सामण्णपरियागं पाउणित्ता बायालीसं भत्ताई अणसणाए छेइत्ता आलोइयपडिक्कते समाहिपत्ते कालमासे कालं किच्चा उड़े चंदिमसूरियगहगणणक्खत्ततारारूवाणं सोहम्मीसाणं जाव अच्चुए तिण्णि य अट्ठारसुत्तरे गेविजविमाणावाससए वीइवइत्ता सव्वट्ठसिद्धविमाणे देवत्ताए उववण्णे, तत्थ णं देवाणं तेत्तीसं सागरोवमाइं ठिई पण्णत्ता, तत्थ णं णिसढस्सवि देवस्स तेत्तीसं सागरोवमाइं ठिई पण्णत्ता // 180 // से णं भंते ! णिसढे देवे ताओ देवलोगाओ आउक्खएणं भवक्खएणं ठिइक्खएणं अणंतरं चयं चइत्ता कहिं गच्छिहिंइ, कहिं उववज्निहिइ, 1 वरदत्ता ! इहेव नम्बुद्दीवे दीवे
