________________ 881 वहिदसाओ अ.१ पुच्छा जहाँ सूरियाभस्स / एवं खलु वरदत्ता ! तेणं कालेणं तेणं समएणं इहेव जंबुद्दीव दीवे भारहे पासे रोहीडए णामं णयरे होत्था, रिद्ध०"। मेहवण्णे उजाणे मणिदत्तस्स जक्खस्स जक्खाययणे / तत्थ णं रोहीडए णयरे महब्बले णामं राया, पउमावई णामं देवी, अण्णया कयाइ तंसि तारसगंसि सयणिज्जसि सीहं सुमिणे", एवं जम्मणं भाणियव्वं जहा महाबलस्स, णवरं वीरंगओ णामं बत्तीसओ दाओ, बत्तीसाए रायवरकण्णगाणं पाणिं जाव उवगिजमाणे 2 पाउसवरिसारत्तसरयहेमंतवसंतगिम्हपज्जंते छप्पि उऊ जहाविभवेणं भुंजमाणे 2 कालं गालेमाणे हे सद्द जाव विहरइ // 170 // तेणं कालेणं तेणं समएणं सिद्धत्था णाम आयरिया जाइ. संपण्णा जहा केसी, णवरं बहुस्सुया बहुपरिवारा जेणेव रोहीडए णयरे जेणेव मेहवण्णे उजाणे जेणेव मणिदत्तस्स जक्खस्स जक्खाययणे तेणेव उवागया अहापडिरूवं जाव विहरति / परिसा णिग्गया // 171 // तए णं तस्स वीरंगयस्स कुमारस्स उप्पिं पासायवरगयस्स तं महया जणसइं"जहा जमाली य णिग्गओ धम्मं सोचा" णवरं देवाणुप्पिया ! अम्मापियरो आपुच्छामि जहा जमाली तहेव णिक्खंतो जाव अणगारे जाए जाव गुत्तबम्भयारी ॥१७२।।तए णं से वीरंगए अणगारे सिद्धत्थाणं आयरियाणं अंतिए सामाइयमाइयाइं एकारस अंगाई अहिजइ २त्ता बहूहि चउत्थ जाव अप्पाणं भावेमाणे बहुपडिपुण्णाइं पणयालीसवासाइं सामण्णपरियागं पाउणित्ता दोमासियाए संलेहणाए अत्ताणं झूसित्ता सवीसं भत्तसयं अणसणाए छेइत्ता आलोइयपडिक्कते समाहिपत्ते कालमासे कालं किच्चा बम्भलोए कप्पे मणोरमे विमाणे देवत्ताए उववण्णे। तत्थ णं अत्येगइयाणं देवाणं दससागरोवमाइं ठिई पण्णत्ता। तत्थ णं वीरंगयस्स देवस्स दस सागरोवमाइं ठिई पण्णत्ता॥१७३॥ से णं वीरंगए देवे ताओ देवलोगाओ आउक्खएणं जाव अणंतरं चयं चइत्ता इहेव बारवईए णयरीए बलदेवस्स रण्णो रेवईए देवीए कुच्छिसि पुत्तत्ताए उववण्णे। तए णं सा रेवई देवी तंसि तारिसगंसि सयणिज्जंसि सुमिणदंसणं जाव उप्पिं पासायवरगए विहरइ / तं एवं खलु वरदत्ता ! णिसढेणं कुमारेणं अयमेयारूवा उराला मणुयइट्टी लद्धा 3 // 174 // पभू णं भंते ! णिसढे कुमारे देवाणुप्पियाणं अंतिए जाव पव्वइत्तए ? हंता! पभू / से एवं भंते ! 2 इय वरदत्ते अणगारे जाव अप्पाणं भावेमाणे विहरइ। तएणं अरहा अरिटणेमी अण्णयां कयाइ बारवईओ णयरीओ जाव बहिया जणवयविहारं विहरइ / णिसढे कुमारे समणोवासए जाए अभिगयजीवाजीवे जाव विहरइ // 175 // तए णं से णिसढे कुमारे अण्णया कयाइ जेणेव पोसहसाला तेणेव उवागच्छइ 2 त्ता
