Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 289

880 अनंगपविट्ठसुत्साणि रण्णो रेवई णामं देवी होत्था, सोमाल० नाव विहरइ / तए णं सा रेवई देवी अण्णया कयाइ तंसि तारिसगंसि सयणिज्जंसि जाव सीहं सुमिणे पासित्ताणं",एवं सुमिणदंसणपरिकहणं, कलाओ जहा महाबलस्स, पण्णासओ दाओ, पण्णासरायवरकण्णंगाणं एगदिवसेणं पाणिग्गहणं..", णवरं णिसढे णामं जाव उप्पिं पासाए विहरइ // 165 // तेणं कालेणं तेणं समएणं अरहा अरिट्ठणेमी आइगरे / 'दस धणूई वण्णओ जाव समोसरिए / परिसा णिग्गया // 166 // तए णं से कण्हे वासुदेवे इमीसे कहाए लद्धढे समाणे हद्वतुढे० कोडुंबियपुरिसं सद्दावेइ 2 त्ता एवं वयासी-खिप्पामेव देवाणुप्पिया ! सभाए सुहम्माए सामुदाणियं भेरि तालेह / तए णं से कोडुंबियपुरिसे जाव पडिसुणित्ता जेगेवं सभाए. सुहम्माए सामुदाणिया मेरी तेणेव उवागच्छइ 2 त्ता सामुदाणियं भेरिं महया 2 सद्देणं तालेइ॥१६७॥ तए णं तीसे सामुदाणियाए मेरीए महया 2 सद्देणं तालियाए समाणीए समुद्दविजयपामोक्खा दस दसारा देवीओ(उग) भाणियव्वाओ जाव अणंगसेणापामोक्खा अणेगा गणियासहस्सा, अण्णे य बहवे राईसर जाव सत्यवाहप्पभिइओ व्हाया जाव पायच्छित्ता सव्वालंकारविभूसिया जहाविभवइड्ढीसक्कारसमुदएणं अप्पेगइया हयगया. जाव पुरिसवग्गुरापरिक्खित्ता जेणेव कण्हे वासुदेवे तेणेव उवागच्छंति 2 त्ता करयल०, कण्हं वासुदेवं जएणं विजएणं वद्धाति / तए णं से कण्हे वासुदेवे कोडुम्बियपुरिसे एवं वयांसी-खिप्पामेव भो देवाणुप्पिया ! आभिसेकहत्थिरयणं पडिकप्पेह हयगयरहपवर जाव पच्चपिणंति / तए णं से कण्हे वासुदेवे मजणघरे जाव दुरूढे, अट्ठ मंगलगा,जहा कृणिए, सेयवरचामरेहिं उधुव्वमाणेहिं 2 समुद्दविजयपामोक्खेहिं दसहिं दसारेहिं जाव सत्थवाहप्पभिई हिं सद्धिं संपरित्रुडे सव्विड्डीए जाव रवेणं बारवई गयरिं मज्झंमझेणं सेसं जहा कूणिओ जाव पज्जुवासइ // 168 // तए णं तस्स णिसढस्स कुमारस्स उप्पिं पासायवरगयस्स तं महया जणसदं च :जहा जमाली जाव धम्म सोचा णिसम्म वंदइ णमंसइ वं० 2 त्ता एवं वयासी-सद्दहामि णं भंते ! णिग्गंथं पावयणं जहा चित्तो जाव सावगधम्म पडिवजइ 2 त्ता पडिगए // 169 // तेणं कालेणं तेणं समएणं अरहओ अरिट्ठणेमिस्स अंतेवासी वरदत्ते णामं अणगारे उराले जाव विहरइ / तए णं से वरदत्ते अणगारे णिसढं कुमारं पासइ 2 त्ता जायसङ्के जाव पज्जुवासमाणे एवं वयासी-अहो णं भंते ! णिसढे कुमारे इडे इटुरूवे कंते कंतरूवे, एवं पिए० मणुण्णए० मणामे मणामरूवे सोमे सोमरूवे पियदंसणे सुरूवे, णिसढेणं भंते ! कुमारेणं अयमेवारूवा माणुयइड्डी किण्णा लद्धा किण्णा पत्ता ?