________________ वहिदसाओ पंचमो वग्गो-पढमं अज्झयणं . जह णं भंते ! उक्खेवओ जाव दुवालस अज्झयणा पप्णता, तंजहा-णिसढे मायणि-वह-वहे पगया जुत्ती दसरहे दढरहे य / महाधणू सत्तधणू दसधणू णामे सयधणू य // 1 // जइ णं भंते ! समणेणं जाव दुवालस अज्झयणा पण्णत्ता, पढमस्स णं भंते !"उक्खेवओ। एवं खलु जम्बू ! तेणं कालेणं तेणं समएणं बारवई णाम -णयरी होत्था, दुवालसजोयणायामा जाव पच्चवख देवलोयभूया पासा- . ईया दरिसणिजा अभिरूवा पडिरूवा // 16 // तीसे णं बारवईए णयरीए बहिया उत्तरपुरस्थिमे दिसीभाए एत्थ पं रेवईए णामं पव्वए होत्था, तुंगे गयणयलमणुलिहंतसिहरे णाणाविहरुक्खगुच्छगुम्मलयावल्लीपरिगयाभिरामे हंसमियमयूरकोंचसारसचकवागमयणसालाकोइलकुलोववेए तडकडगवियरओज्झरपवायपब्भारसिहरपउरे अच्छरगणदेवसंघचारणविजाहरमिहुणसंणिचिण्णे णिच्चच्छणए दसारवरवीरपुरिसतेल्लोक्कबलवगाणं सोमे सुभए पियदंसणे सुरूवे पासाईए जाव पडिरूवे // 162 // तस्स णं रेवयगस्स पव्वयस्स अदूरसामंते एत्थ णं णंदणवणे णाम उजाणे होत्था, सब्बोउयपुप्फ० जाव दरिसणिज्जे तत्थ णं गंदणवणे उजाणे सुरप्पियरस जक्खस्स जवाययणे होत्था चिराइए जाव बहुजणे आगम्ममच्चेइ सुरप्पियं 2, से गं सुरप्पिए 2 एगेणं महया वणसंडेणं सव्वओ०जहा पुण्णभद्दे जाव सिलावट्टए // 163 // तत्थ णं बारवईए णयरीए कण्हे णामं वासुदेवे राया होत्था जाव पसासेमाणे विहरइ / से णं सत्थ समुद्दविजयपामोक्खाणं दसण्हं दसाराणं, वलदेवपामोक्खाणं पंचण्हं महावीराणं, उग्गसेणपामोक्खाणं सोलसण्हं राईसाहस्सीणं, पज्जुण्णपामोवखाणं अछुट्ठाणं कुमारकोडीणं,सम्बपामोक्खाणं सट्ठीए दुइंतसाहस्सीणं,वीरसेणपामोदखाणं एकवीसाए वीरसाहस्सीणं,महासेणपामोक्खाणं छप्पण्णाए बलवगसाहस्सीणं, सप्पिणि.पामोक्खाणं सोलसण्हं देवीसाहस्सीणं, अणंगसेणापामोक्खाणं अणेगाणं गणियासाहस्सीणं अण्णेसिं च बहूणं राईसर जाव सत्थवाहप्पमिईणं वेयङगिरिसागरमेरागरस दाहिणड्डभरहस्स आहेवच्चं जाव विहरइ // 164 // तत्थ णं बारवईए णयरीए बलदेवे णामं राया होत्था, महया जाव रज्जं पसासेमाणे विहरइ / तस्स णं बलदेवस्स
